Vidio Oro The Bible—A Book of Fact and Prophecy
Vidio oro Mankind’s Oldest Modern Book edi akpa ke otu nsio nsio vidio ita oro odude ke usan umụm ndise oro The Bible—A Book of Fact and Prophecy. Ke ama ekese vidio emi ama, bọrọ mme mbụme emi ẹtienede mi:
(1) Ke mme usụn̄ ewe ke Bible odu ke n̄kemuyo ye ifiọk ntaifiọk eyomfịn? (2) Didie ke nnyịn ikeme nditịm mfiọk nte ke Bible emi inyenede mfịn edi ata ukem ukem ye mme ata akpa uwetn̄kpọ? (3) Nso idi n̄wọrọnda usụn̄ uwetn̄kpọ ke n̄kani uwetn̄kpọ Bible? (4) Ke mme usụn̄ ewe ke John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ye Charles Taze Russell ẹketịp ẹsịn ke edisuan Ikọ Abasi ke ofụri ererimbot, ndien didie ke ufọkabasi ekenen̄ede ọbiọn̄ọ Bible? (5) Didie ke nti item Bible an̄wam mme owo ndise mban̄a mfịna unana nsọn̄idem (Ps. 34:8), mbumehe mbre mfọniso (1 Tim. 6:9, 10), edidian̄ade ntie ye unana edinam akpanikọ ke ndọ (1 Cor. 13:4, 5; Eph. 5:28-33), ye ebeubọk uyom inyene obụkidem (Matt. 16:26)? (6) Nso uyarade idu nte ke ndida mme edumbet N̄wed Abasi nsịn ke edinam ekeme ndinam owo akan usua eke idụt, eke ekpụk, ye eke orụk (Luke 10:27)? (7) Ke mme usụn̄ ewe ke edisọn̄ọ nyịre ke mme edumbet Bible akada n̄kponn̄kan inemesịt ọsọk fi? (8) Didie ke afo ekeme ndida vidio emi n̄n̄wam mbon en̄wen?—Se Utom Obio Ubọn̄ Nnyịn eke February 2006, page 8.