Mme Ntọt

◼ N̄wed ẹnọde ke March: Nso ke Bible Enen̄ede Ekpep? Mme asuanetop ẹkpenyene nditọn̄ọ ukpepn̄kpọ Bible ye mme enyeneufọk oro ẹbọde n̄wed emi m̀mê oro ẹma ẹkenyenyene n̄wed emi ke ufọk mmọ. April ye May: Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, sịn ukeme ndida n̄wed Bible Ekpep ntọn̄ọ ukpepn̄kpọ Bible. June: Nso ke Bible Enen̄ede Ekpep? Edieke edide mme enyeneufọk ẹnyenyene n̄wed emi, mme asuanetop ẹkeme ndinịm n̄kani n̄wed ekededi oro ẹdude ke esop.

◼ Ke ndondo emi ẹbọde mbufa nsiondi Enyọn̄-Ukpeme ye Awake!, ẹyedeme mmọ ẹnọ mme asuanetop, oro ayanam mmọ ẹmehe ye se isịnede mbemiso ẹnọde mme magazine emi ke an̄wautom.

◼ Edinịm Editi ke Tuesday, March 30, 2010. Edieke esop mbufo esinyenede mme mbono esop ke Tuesday, ẹkpenyene ndisio mmọ nnịm usen efen ke urua oro. Edieke ediwak esop ẹsibuanade Ufọkmbono Obio Ubọn̄ emi, ndien owo ikemeke ndisio mbono esop nnịm ke usen efen, ekeme nditre ndinịm mbono esop urua oro. Edieke ndusụk ikpehe Esoputom ke urua oro ẹnyenede n̄kpọ ndinam ye esop mbufo, ẹmekeme ndisịn ikpehe oro ke Esoputom efen.