Se Ẹkpetịn̄de Ẹban̄a Mme Magazine

Enyọn̄-Ukpeme January 1

Kot Genesis 2:16, 17. Ekem dọhọ ete: “Ndusụk owo ẹdọhọ ke Abasi ama ọdiọn̄ọ ke Adam ayanam idiọkn̄kpọ. Mbon efen ẹkere ke edieke edide Abasi ama ọdọdiọn̄ọ se iditịbede, ke ekpedi mbubịk enye ndidọhọ mmọ ẹkûdia mfri eto oro. Afo ekere didie? [Bet ibọrọ.] Ibuotikọ emi ọtọn̄ọde ke page 13 anam an̄wan̄a nte Abasi esidade ukeme oro enye enyenede ndifiọk ini iso anam n̄kpọ.”

Awake! January

“Ndusụk owo ẹnịm ẹte ke mme owo ẹbuọt idem ke ido ukpono nnan nnan ye unana eti ntak. Afo ekere didie? [Bet ibọrọ.] Bible ọdọhọ ke ikpanaha ibuọt idem ke ido ukpono nnan nnan. [Kot 1 John 4:1.] Ibuotikọ oro ọtọn̄ọde ke page 28 anam an̄wan̄a nte nnyịn ikemede ndikụt ke imenen̄ede inyene eti ntak ndibuọt idem.”

Enyọn̄-Ukpeme February 1

“Usiondọ enen̄ede edi ọsọ n̄kpọ mfịn. Afo ekere ke nso idi akpan ntak? [Bet ibọrọ.] Se item emi ediwak mme ọdọ ndọ ẹdọhọde ke ọfọn mi. [Kot 1 Corinth 10:24.] Magazine emi eneme mfịna itiokiet emi mme ebe ye ibanndọ ẹsiwakde ndinyene, onyụn̄ owụt nte edida mme edumbet Bible ndu uwem ekemede ndin̄wam.”

Awake! February

“Etie nte mme owo ẹnen̄ede ẹnyene udọn̄ ndifiọk n̄kpọ mban̄a ndiọi spirit, ifọt, ye mbiaidiọn̄. Ndi emekere ke ndisịn idem ke ndedịbe odudu idinọhọ owo unan? [Bet ibọrọ.] Se nte Abasi okodụride nditọ Israel eset utọn̄ aban̄a n̄kpọ emi. [Kot Deuteronomy 18:10-12.] Magazine emi owụt se Bible etịn̄de aban̄a ndedịbe odudu.”