Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke May

“Ndi akanam emekere ntak emi Abasi ayakde idiọkn̄kpọ ye ndutụhọ ẹdu? [Bet ibọrọ.] N̄kpama ndiwụt fi n̄kpọ oro afo edimade ke ibuot nneme emi.” Kot se idude ke idak akpa ekpri ibuotikọ, ke page 16, ke nsiondi Enyọn̄-Ukpeme eke May 1, nyụn̄ kot kiet ke otu itie N̄wed Abasi oro ẹsiakde ẹsịn. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme May 1

Kot Psalm 37:10, 11. Ekem bụp ete: “Ndi afo emekere ke nnyịn iyokụt nte un̄wọn̄ọ emi osude ke mîbịghike? [Bet ibọrọ.] Magazine emi eneme nsio nsio ntịn̄nnịm ikọ Bible itiokiet emi nnyịn ikụtde ẹsude idahaemi, kpa mme ntịn̄nnịm ikọ emi ẹwụtde ke se ẹken̄wọn̄ọde ke itie Bible oro enen̄ede ekpere.”

Awake! May

“Ndusụk owo ẹdọhọ ke mme owo ẹketo ke unam ẹforo. Afo ekere didie? [Bet ibọrọ. Ekem kot Psalm 139:14.] Edi akpanikọ nte ke andiwet psalm oro ikenen̄ekede ifiọk adan̄a nte idem owo edide utịbe. Magazine emi eneme se nnyịn ifiọkde idahaemi, esịnede se inamde nnyịn ikpụhọde ye mme unam.”