Ekebe Mbụme

◼ Ndi ikpenyene ndibọn̄ akam ke ini inịmde ukpepn̄kpọ Bible ke enyịnusụn̄?

Ediwak ufọn ẹdu ke nditọn̄ọ nnyụn̄ ntre ukpepn̄kpọ Bible ye akam. Ke ini ibọn̄de akam, nnyịn iben̄e Jehovah ọnọ nnyịn edisana spirit esie man ada nneme nnyịn usụn̄. (Luke 11:13) Akam ọsọn̄ọ owụt eyen ukpepn̄kpọ nte ukpepn̄kpọ Bible esie edide akpan n̄kpọ onyụn̄ ekpep enye nte ọkpọbọn̄de akam. (Luke 6:40) Mmọdo, ọfọn itọn̄ọ ukpepn̄kpọ Bible ye akam usọp usọp nte ikekeme. Nte ededi, sia mme idaha ẹsikpụhọrede, oyom ada ukpepn̄kpọ ada mbufiọk ebiere m̀mê imọ iyọbọn̄ akam ke ini inịmde ukpepn̄kpọ Bible ke enyịnusụn̄.

Akpan n̄kpọ kiet oro anade ikere iban̄a edi ebiet oro inịmde ukpepn̄kpọ emi. Edieke mme owo mîwakke ke ebiet oro, ẹkeme ndida mbufiọk mbọn̄ ibio ibio akam ntọn̄ọ nnyụn̄ ntre ukpepn̄kpọ Bible. Nte ededi, edieke ndibọn̄ akam edidụride ntịn̄enyịn mme owo m̀mê anam eyen ukpepn̄kpọ okop bụt, etie nte ọyọfọn ibet tutu ikeme ndinịm ukpepn̄kpọ oro ke ebiet oro owo ifan̄ kpọt ẹdude. Inamke n̄kpọ m̀mê inịm ukpepn̄kpọ emi ke m̀mọ̀n̄, ọyọfọn ida eti ibuot ibiere ini oro ikpọtọn̄ọde ndibọn̄ akam.—Se Utom Obio Ubọn̄ Nnyịn eke March 2005, page 4.