Eti Usụn̄ Ndikop Inem Ikwọ Obio Ubọn̄

Mme asan̄autom Abasi ẹda ikwọ nte eti enọ emi otode Jehovah. (Jas. 1:17) Ediwak esop ẹsima ndibre ikwọ Obio Ubọn̄ mbemiso mbono esop ọtọn̄ọde ye ke mbono esop ama akasuana. Ndibre ikwọ Obio Ubọn̄ edi inem inem usụn̄ ndiben̄e nnyịn idem nnọ mme mbono esop nnyịn. Enye esin̄wam nnyịn itịm esịt nnyịn iben̄e se ẹdinemede ke mme mbono esop. Adianade do, ndibre mbufa ikwọ oro ẹtode n̄wedikwọ nnyịn anam nnyịn imehe ye mme ikwọ emi onyụn̄ an̄wam nnyịn ifiọk ndikwọ mmọ edifọn edifọn. Ikwọ oro ẹsibrede mi ke mbono esop ama akasuana esinam nnyịn ika iso ikop inem ndidu ye nditọete nnyịn. Mmọdo, mme otu mbiowo ẹkpenyene ndinam eti ndutịm man ẹbre ikwọ ẹdade ẹto Sing to Jehovah—Piano Accompaniment mbemiso mbono esop ọtọn̄ọde ye ke mbono esop ama akasuana. Mmọ ẹkpenyene ndikụt nte ke ikwọ emi isọn̄ke uyo ikaha mbak editịmede nneme nditọete.