Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke March

“Ediwak owo ẹsinịm usọrọ usen emana Jesus, edi ndi emekere ke edi akpan n̄kpọ nditi n̄kpa Jesus?” Bet ibọrọ. Ekem yak Enyọn̄-Ukpeme eke March 1 nọ enyeneufọk, nyụn̄ neme se idude ke idak akpa ekpri ibuotikọ ke page 16 ye enye, nyụn̄ kot ke nsụhọde n̄kaha itie N̄wed Abasi kiet. Diomi ndifiak n̄ka n̄kọbọrọ mbụme oro etienede.

Enyọn̄-Ukpeme March 1

“Ediwak ufọkabasi ye mme n̄ka ido ukpono ẹdu; mmọ ẹkpep ẹnyụn̄ ẹnam nsio nsio n̄kpọ. Ndi emekere ke kpukpru mbon emi ẹdọhọde ke idi Christian ẹnen̄ede ẹdi Christian? [Bet ibọrọ.] Se n̄kpọ kiet oro Jesus ọdọhọde nte ẹdade ẹfiọk ata mme Christian mi. [Kot John 13:34, 35.] Magazine emi eneme n̄kpọ ition oro Jesus eketịn̄de emi ẹn̄wamde nnyịn ifiọk ata mme anditiene enye.”

Awake! March

“Ineme ye mbọhọidụn̄ nnyịn iban̄a edu oro ediwak owo ẹtọn̄ọde ndinyene. Etie nte ediwak owo mfịn ẹsisọp ndiyat esịt n̄kaha. Afo ekere ke nso idi ntak? [Bet ibọrọ.] Kop se Bible etịn̄de aban̄a iyatesịt mi. [Kot Psalm 37:8.] Magazine emi eneme ndusụk ntak oro ẹnamde ediwak owo mfịn ẹsisọp ẹyat esịt onyụn̄ owụt nte ikemede ndimụm idem n̄kama.”