Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke May

“Ndi ido ukpono esisịn udọn̄ ọnọ mme owo ndima ima nnyụn̄ ntie ke emem m̀mê akam esịn udọn̄ ọnọ mme owo ndisua kiet eken nnyụn̄ nnam n̄kpọ afai afai? [Bet ibọrọ.] N̄kpama ndiwụt fi n̄kpọ oro afo edimade ke se inemede emi.” Nọ enyeneufọk Enyọn̄-Ukpeme May 1, nyụn̄ neme se idude ke idak akpa ekpri ibuotikọ ke page 16 ye enye, nyụn̄ kot ke nsụhọde n̄kaha itie N̄wed Abasi kiet oro ẹsiakde ẹsịn. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme May 1

“Ediwak owo ẹnịm ke ọfọn ido ukpono ẹsitiene ẹbre mbre ukara, ke adan̄aemi mbon eken ẹkerede ke ikpanaha ido ukpono ẹsịn idem ke mbre ukara. Afo ekere didie? [Bet ibọrọ.] Se nte Jesus akanamde n̄kpọ mi ke ini mme owo ẹkeyomde enye etiene abuana ke mbubehe ukara ini oro. [Kot John 6:15.] Magazine emi anam an̄wan̄a ntak emi Jesus ekesịnde, onyụn̄ eneme mfọnn̄kan usụn̄ oro mme Christian ẹkemede ndin̄wam mbio obio mmọ.”

Awake! May

“Ata ediwak ke otu mbon oro nnyịn inyenede nneme ẹdọhọ ke ẹsinam n̄kpọ ye mmimọ ke idiọk usụn̄. Ndi emekere ke ukwan̄ikpe eyetre? [Bet ibọrọ.] Kop se prọfesi emi etịn̄ aban̄a andikara oro editrede ukwan̄ikpe. [Kot Psalm 72:11-14.] Magazine emi eneme mme un̄wọn̄ọ Bible oro ẹwụtde ke ukwan̄ikpe ididụhe aba ke ini iso.”