Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke February

“Ediwak owo ẹsikere ke Devil edi ntak idiọkn̄kpọ ke ererimbot. Edi mmọ ẹsibụp ẹte: ‘Devil okoto m̀mọ̀n̄? Ndi Abasi okobot enye?’ Afo ekere didie? [Bet ibọrọ.] Kop se idikotde mi.” Wụt enye ibuotikọ oro odude ke akpatre ikpaedem Enyọn̄-Ukpeme eke February 1, neme se idude ke akpa ikpehe ekikere ye enye, nyụn̄ kot itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme February 1

“Nnyịn ikpama ndifiọk se afo ekerede aban̄a owo emi mme Christian, mme Jew ye mbon Muslim ẹnen̄erede ẹkpono. Owo oro edi Moses. Nso idi akpa n̄kpọ oro odụkde fi ekikere ke ini okopde enyịn̄ oro? [Bet ibọrọ.] Okposụkedi emi Moses ekesinamde ndudue, Bible etịn̄ nti n̄kpọ aban̄a enye. [Kot Deuteronomy 34:10-12.] Magazine emi eneme ita ke otu nti edu esie ye nte nnyịn ikemede ndikpebe enye.”

Ẹdemede! January–February

“Ediwak owo emi ẹnịmde ke ndinen owo ẹyenyene nsinsi uwem ẹsisiak nsio nsio itie emi ndinen owo emi ẹdidude. Afo ekere didie? [Bet ibọrọ.] Bible owụt ke isọn̄ emi edi enọ emi Abasi ọnọde owo ndidụn̄. [Kot Psalm 115:16.] Mmọdo, ndidọhọ ke mme owo ẹyedu uwem ke nsinsi ke isọn̄ emi ẹma ẹkediọn̄ esịne ifiọk onyụn̄ edi se Bible ekpepde. Ibuotikọ emi odude ke page 14 ke magazine emi ọbọrọ akpan mbụme iba emi ẹban̄ade Paradise isọn̄ emi ẹken̄wọn̄ọde.”