Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke May

“N̄kpọ kiet oro nnyịn idade ibiet kiet eken edi nte ke kpukpru nnyịn imesinam ndudue. Ndi akanam afo emekere m̀mê Abasi ekeme ndifen ata ndiọi n̄kpọ emi owo anamde?” [Bet ibọrọ.] Wụt ibuotikọ oro odude ke page 15 ke Enyọn̄-Ukpeme eke May 1, neme se idude ke idak akpa mbụme nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme May 1

“Nnyịn ikpama ndifiọk se afo ekerede aban̄a itien̄wed emi. [Kot 1 John 4:8.] Ediwak owo ẹnyịme ye se ẹtịn̄de emi, edi mbon eken ẹkere ke Abasi edi ibak ke ndinam m̀mê idem ndiyak mme oto-obot afanikọn̄ ẹtịbe. Nso ke afo ekere? [Bet ibọrọ.] Magazine emi ọnọ nti ntak oro mîkpanaha idọhọ ke Abasi edi ibak.”

Ẹdemede! May–June

“Mme ebe nditịm iban mmọ edi mfịna kiet oro odude mfịn ke ererimbot. Ndusụk owo ẹdọhọ ke ido obio, ubon oro owo otode, ye mme afai afai edinam unọ idem inemesịt ẹsidi ntak. Afo ekere ke nso isidi ntak afai emi ke ufọk? [Bet ibọrọ.] Bible owụt nte ebe ye n̄wan ẹkpenamde n̄kpọ ye kiet eken. [Kot Ephesus 5:33.] Magazine emi owụt nte ndusụk ndọ oro ẹkesinyenede mfịna emi ẹfọnde ke ntak emi ẹdade edumbet Bible emi ye mme edumbet Bible eken ẹsịn ke edinam.”