Da Mme Vidio Nam N̄kpọ ke Ini Ekpepde Mme Owo N̄kpọ
Ke ini Jehovah eketịn̄de ata akpan n̄kpọ ọnọ Abraham ye Jeremiah, enye iketịn̄ke-tịn̄ kpọt, edi ama ada n̄ko n̄kpọ emi mmọ ẹkụtde ke enyịn anam an̄wan̄a mmọ. (Gen. 15:5; Jer. 18:1-6) Ke ini idade mme n̄kpọ oro ẹkụtde ke enyịn, utọ nte mme vidio nnyịn, iwụt nditọ ukpepn̄kpọ nnyịn, imekeme ndin̄wam mmọ ẹfiọk ẹnyụn̄ ẹbọ ufọn ẹto akpanikọ Bible. Se itienede mi edi mme ini oro ikemede ndiwụt nditọ ukpepn̄kpọ nnyịn ndusụk vidio. Fiọk ete ke ẹnọ mmọ nte ekikere sia nditọ ukpepn̄kpọ mîdịghe ukem.
N̄wed Bible Ekpep
◻ Ibuot 1: Ke ẹma ẹkeneme ikpehe ekikere 17, ẹse vidio The Wonders of Creation Reveal God’s Glory
◻ Ibuot 2: Ke ẹma ẹkeneme akpatre ikpehe ekikere, ẹse vidio The Bible—Mankind’s Oldest Modern Book
◻ Ibuot 9: Ke ẹma ẹkeneme ikpehe ekikere 14, ẹse vidio Ẹtịm Mme Ntiense Jehovah man Ẹkwọrọ Eti Mbụk
◻ Ibuot 14: Ke ẹma ẹkeneme akpatre ikpehe ekikere, ẹse vidio The Bible—Its Power in Your Life
◻ Ibuot 15: Ke ẹma ẹkeneme ikpehe ekikere 10, ẹse vidio Ofụri Otu Nditọete Nnyịn
N̄wed “Ima Abasi”
◻ Ibuot 3: Ke ẹma ẹkeneme ikpehe ekikere 15, ẹse vidio Young People Ask—How Can I Make Real Friends?
◻ Ibuot 4: Ke ẹma ẹkeneme akpatre ikpehe ekikere, ẹse vidio Respect Jehovah’s Authority
◻ Ibuot 7: Ke ẹma ẹkeneme ikpehe ekikere 12, ẹse vidio No Blood—Medicine Meets the Challenge
◻ Ibuot 9: Ke ẹma ẹkeneme ikpehe ekikere 6, ẹse vidio Warning Examples for Our Day
◻ Ibuot 17: Ke ẹma ẹkeneme akpatre ikpehe ekikere, ẹse vidio ‘Walk by Faith, Not by Sight’
Ndi odu mme vidio efen oro ẹdinyenede ufọn ọnọ kiet ke otu nditọ ukpepn̄kpọ fo? Ke uwụtn̄kpọ, mbon oro ẹsobode ukọbọ ẹkeme ndibọ nsịnudọn̄ ke ndise vidio Faithful Under Trials—Jehovah’s Witnesses in the Soviet Union m̀mê Jehovah’s Witnesses Stand Firm Against Nazi Assault. Mme uyen ẹkeme ndibọ ufọn ke ndise vidio Pursue Goals That Honor God ye Young People Ask—What Will I Do With My Life? Nịm idiọn̄ọ ke n̄wed Bible Ekpep ye n̄wed “Ima Abasi” man ekeme nditi ini oro ekpesede vidio ye eyen ukpepn̄kpọ fo m̀mê ndinọ enye ekese ke idemesie. Ke ini ẹsiode mbufa vidio, kere ini oro ekemede ndise mmọ ye nditọ ukpepn̄kpọ Bible fo man esịm esịt mmọ.—Luke 24:32.