Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke June

“Ata ediwak ke otu mbon oro ikwọrọde ikọ inọ ẹyom emem odu ke ererimbot emi. Edi ke ẹsụk ẹn̄wan̄wana ekọn̄. Afo ekere ke nso idi ntak emi nnyịn mîkemeke ndinyene emem mfịn?” Bet ibọrọ. Ekem wụt ibuotikọ oro odude ke edem Enyọn̄-Ukpeme eke June 1, neme se idude ke idak akpa mbụme ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Fiọk ete: Ẹkpenyene ndinanam usụn̄ unyene nneme emi n̄wụt ke ini mbono an̄wautom ke June 1.

Enyọn̄-Ukpeme June 1

“Nnyịn inyene ibio ibio nneme ye mme owo mi iban̄a mfịna emi ediwak owo ẹsobode mfịn. Ẹsinam n̄kpọ ye ata ediwak owo ke asari. Ndi emekere ke odu ebiet ke ererimbot emi asari mîdụhe? [Bet ibọrọ.] Kop mi nte Abasi adade kpukpru owo. [Kot Utom 10:34.] Magazine emi eneme nte Abasi edinamde asari etre ke ererimbot emi.”

Ẹdemede! May–June

“Ndi afo ukereke ke ọsọn̄ ndibọk nditọ ke utọ ini emi? [Bet ibọrọ.] Ediwak ete ye eka ẹsikụt nti item ke Bible. Ke uwụtn̄kpọ, itien̄wed emi esin̄wam mme ete ndiyom ifet ntoro nditọ mmọ nnyụn̄ nnam mmọ ẹfiọk ke mmimọ imedi n̄kpọ. [Kot Colossae 3:21.] Ibuotikọ emi etịn̄ n̄kpọ ition emi ẹkemede ndin̄wam mme ete.”