Ndifori Usọ Nnyịn ke An̄wautom—Di Eti Nsan̄a

Ntak Emi Edide Akpan N̄kpọ: Jesus ama ọfiọk ke ọfọn ndisisan̄a ye owo ke an̄wautom. Ntem ke ini enye okosiode mme mbet 70 ọdọn̄ ete ẹbem enye iso ẹkekwọrọ ikọ, enye ọkọdọn̄ mmọ ẹsan̄a iba iba. (Luke 10:1) Owo oro asan̄ade ye owo ke an̄wautom ekeme ndin̄wam nsan̄a esie oro oyomde un̄wam m̀mê oro mîfiọkke se ọkpọbọrọde enyeneufọk. (Eccl. 4:9, 10) Enye ekeme nditịn̄ se enye esinamde ke an̄wautom ọnọ nsan̄a esie, ndien ndusụk ini, ọnọ ekikere oro ekemede ndin̄wam enye akabade edi ifịk ifịk ọkwọrọ eti mbụk. (N̄ke 27:17) Nneme oro enye edinemede ye nsan̄a an̄wautom esie mbemiso mmọ ẹdụkde ufọk owo en̄wen ekeme n̄ko ndisịn udọn̄ nnọ enye.—Phil. 4:8.