Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke May

“Nnyịn iwaha edem mbufo man ineme mbụme emi ediwak owo ẹkpemade ndifiọk ibọrọ. [Wụt enye akpa mbụme oro odude ke edem Enyọn̄-Ukpeme May 1.] Afo ekere didie?” Bet ibọrọ. Neme se idude ke akpa mbụme nyụn̄ kot ke nsụhọde n̄kaha kiet ke otu itien̄wed Abasi oro ẹsiakde ẹsịn. Nọ mme magazine nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme May 1

“Nnyịn idi mi man ineme ibio ibio se ediwak owo ẹsiyomde ndifiọk mban̄a ini iso. Ke ini ekerede aban̄a ini iso, esitie fi didie ke idem? Ndi esịt esidat fi, mîdịghe ndi emesikop ndịk? [Bet ibọrọ. Ekem kot kiet ke otu itien̄wed oro ẹdude ke ekebe “Se Abasi Etịn̄de Aban̄a N̄kpọn̄.”] Magazine emi eneme ndusụk n̄kpọ oro Abasi ọdọhọde ke eyetịbe onyụn̄ etịn̄ ntak emi nnyịn ikemede ndinịm ke mmọ ẹyesu.”

Ẹdemede! May–June

“Nnyịn iwaha edem mbufo man ineme n̄kpọ kiet emi an̄wamde ata ediwak owo. Uwem esidorode ndusụk owo tutu ọdọn̄ mmọ ndiwot idem. Edieke n̄kpọ etiede ntem ye owo, ndi afo ekere ke enye enen̄ede oyom ndiwot idem mîdịghe ndi ekere ke enye oyom un̄wam? [Bet ibọrọ.] Se Bible etịn̄de mi esidọn̄ ediwak owo esịt. [Kot Ediyarade 21:3, 4.] Magazine emi etịn̄ ntak ita emi owo okpodude uwem kpa ye oro enye osobode mfịna.”