Da jw.org Kwọrọ Ikọ

Ikpehe Intanet nnyịn an̄wam nnyịn ikwọrọ eti mbụk ‘isịm ata utịt ikpehe isọn̄.’ (Utom 1:8) Ata ediwak owo ikemeke ndika jw.org ke idem mmọ. Edi nditọete nnyịn ẹsiwụt mmọ nte ẹsikade ikpehe Intanet emi.

Esenyịn circuit kiet ama okosio vidio oro ẹkotde Ntak Emi Ekpekpepde Bible? esịn ke fon esie onyụn̄ esiwụt mme owo kpukpru ini. Ke uwụtn̄kpọ, ke ini enye ọkwọrọde ikọ ke ufọk ke ufọk, enye esidọhọ ete: “Ami ndi edem mbufo man mbọrọ akpan mbụme ita emi: Ntak emi mfịna awakde ntem ke ererimbot emi?, Didie ke Abasi edinen̄ede n̄kpọ? Nso ke ikpanam idahaemi ke ini inyenede mfịna? Ekpri vidio emi ọbọrọ mme mbụme oro.” Enye isibụpke enyeneufọk m̀mê enye akpama ndise vidio oro, edi esibre vidio oro ke fon esie ekem ese m̀mê enyeneufọk ama vidio oro. Vidio oro esinen̄ede otụk mme owo tutu ata ediwak owo isimaha ndisio enyịn ke vidio oro tutu esịm utịt. Ekem enye esidọhọ ete: “N̄kọ omokop ke emekeme ndidọhọ ẹdi ẹdikpep fi Bible. Mmekeme ndiwụt fi nte ẹsinịmde ukpepn̄kpọ oro.” Edieke owo oro enyịmede, enye ayada ediye uduot ekpri n̄wed Eti Mbụk owụt enye nte ẹsinịmde ukpepn̄kpọ. Edieke owo oro mînyeneke ini, enye esinam ndutịm man afiak akanam oro ini en̄wen. Edieke enye awahade itie udia udia, enye esinam ukem emi ye owo oro etiede ekpere enye ke ama ọkọkọm onyụn̄ etịn̄ ikọ ufan ufan ye owo oro. Ndi emesida jw.org ọkwọrọ ikọ?