Sịn Ifịk Kwọrọ Ban̄a Owo Emi Jesus Enen̄erede Edi

Nnyịn iyesịn ifịk ikwọrọ ikọ edieke idiọn̄ọde nte idinamde mme owo ẹfiọk owo emi Jesus enen̄erede edi. Mîkpedịghe Jesus nnyịn ikpenyeneke mbuọtidem ke Abasi. (Eph. 2:20) Mîkponyụn̄ idịghe enye, owo nnyịn ndomokiet ikpenyeneke idotenyịn ndidu uwem. (Utom 4:12) Ntem, enen̄ede ọfọn kpukpru owo ẹdiọn̄ọ owo emi enye enen̄erede edi. Ẹda ediwak nsunsu ukpepn̄kpọ ẹbian̄a mme owo ẹnam mmọ ẹkûdiọn̄ọ owo emi Jesus edide. Edi ata n̄kpọ mbọm nte ke emi ekeme ndinam mmọ ẹkûnyene nti n̄kpọ oro Ikọ Abasi ọdọhọ ke ẹyenọ mbon oro ẹbuọtde idem ke Jesus. Edieke imade akpanikọ emi ikpepde, iyan̄wam mbon emi ẹnyenede eti esịt ẹdiọn̄ọ owo emi Jesus edide ye se Abasi edidade enye inam. Ini Editi emi edi ini ndisịn ifịk nnam mme owo enen̄erede ẹdiọn̄ọ owo emi Jesus edide. Ndi afo ayanam ntre?