Ndi Amayak Ikọ Abasi Ada Fi Usụn̄ Kpukpru Usen?

Ndikot Bible kpukpru usen ekeme ndin̄wam nnyịn inen̄ede ima Abasi onyụn̄ anam nnyịn ‘isọn̄ọ ida ke mbuọtidem.’ (Col. 2:6, 7) Edi, man Ikọ Jehovah enyene ufọn ke uwem nnyịn, ana isinen̄ede itie ikere se ikotde inyụn̄ ida se ikpepde idu uwem. (Heb. 4:12; Jas. 1:22-25) Joshua 1:8 owut n̄kpọ ita oro ikpanamde man ibọ ufọn ito edikot Bible: (1) Kot Ikọ Abasi “uwemeyo ye okoneyo.” (2) ‘Sụhọde uyo’ kot Ikọ Abasi. Kot ke usụn̄ emi edikemede nditie n̄kere se okotde, etie ekere se iketịbede ye ntak emi mme n̄kpọ emi ẹketịbede. (3) Sịn ifịk nam “kpukpru se ẹwetde ke esịt.” Ndinam n̄kpọ ita oro ẹsiakde mi ayan̄wam nnyịn ‘ikụt unen’ m̀mê ibọ ufọn ito se ikotde ke Bible, inyụn̄ inam n̄kpọ ye “eti ibuot” kpukpru usen.