NTE CHRISTIAN OKPODUDE UWEM
Nte Ekpekpepde Bible Man Etetịm An̄wan̄a Fi
Anaedi akpama ndisọn̄ọ nda ye Jehovah ke ini afanikọn̄ ukem nte Daniel. Enye ama esida ini ekpep Ikọ Abasi ye mme prọfesi Bible. (Da 9:2) Ndinen̄ede n̄kpep Bible ekeme ndin̄wam fi ọsọn̄ọ ada ye Abasi. Ntak idọhọde ntre edi koro emi ayanam etetịm enịm ke kpukpru se Jehovah ọn̄wọn̄ọde iditreke ndisu. (Jos 23:14) Ndikpep Bible ayanam fi enen̄ede ama Abasi, ndien ima emi idiyakke anam idiọkn̄kpọ. (Ps 97:10) Emekeme ndibụp, n̄kpọtọtọn̄ọ didie? Se n̄kpọ ifan̄ emi akpanamde mi.
Nso ke n̄kpekpep? Kiet ke otu n̄kpọ emi anade anam edi ndisitịm idem nnọ mbono esop. Sida ini kot nyụn̄ dụn̄ọde mme akpan n̄kpọ oro mîn̄wan̄ake fi ke itie Bible oro isikotde kpukpru urua. Adianade do, emekeme ndikpep mban̄a prọfesi Bible, mbun̄wụm spirit Abasi, ye nte apostle PauI akanamde utom ukwọrọikọ esie, mîdịghe ekpep aban̄a mme n̄kpọ oro Jehovah obotde. Ini ekededi etide mbụme emi esifịnade fi, sọsọp wet nịm, man akpada anam ndụn̄ọde ini en̄wen emi edikpepde n̄kpọ.
Se idin̄wamde fi: Se vidio emi Mme N̄kpọ Ndụn̄ọde Emi Ẹn̄wamde Nnyịn Ikụt N̄kpọuto ke Ikọ Abasi, man okụt se idin̄wamde fi. Ekem, se m̀mê emekeme ndinam se idude ke Daniel ibuot 7 an̄wan̄a.
N̄kpekpep n̄kpọ ebịghi didie? Enen̄ede ọfọn esikpep n̄kpọ ke ubọk ke ubọk. Tọn̄ọ n̄kpri n̄kpri, ndien nte ekpepde aka, ntre ke edinem fi ndikpep n̄kpọ mbịghi. Edi ti ke ndikpep Ikọ Abasi kpukpru ini edinam fi enen̄ede ama Abasi. Ndikpep Ikọ Abasi onyụn̄ etie nte ndiyom n̄kpọuto eke edịbede, edieke okụtde kiet, ntre ke edinem fi ndika iso nyom en̄wen. (N̄ke 2:3-6) Ntre, yak ọdọdọn̄ fi ndidiọn̄ọ n̄kpọ mban̄a Abasi, nte anamde emi, ntre ke edinem fi ndika iso n̄kpep Ikọ Abasi.—1Pe 2:2.
NSO KE MME IDIỌK UNAM ORO ẸSIAKDE KE DANIEL IBUOT 7 ẸDA ẸBAN̄A?
MBỤME EN̄WEN:
Didie ke prọfesi oro ẹwetde ke Daniel 7:8, 24 okosu?
SE NDIKPEPDE INI EN̄WEN:
Nso ke mme idiọk unam oro ẹsiakde ke Ediyarade ibuot 13 ẹda ẹban̄a?