Biere ke Udûkpọn̄ke Jehovah Sia Utịt Enen̄ede Ekpere

NTAK EMI EDIDE AKPAN N̄KPỌ: Mme n̄kpọ emi akanam mîtịbeke ọmọn̄ etetịbe, ntre oyoyom inen̄ede ibuọt idem ye Jehovah inyụn̄ inyene uko. Akwa ukụt editọn̄ọ ke ini ẹsobode nsunsu ido ukpono. (Mt 24:21; Edi 17:16, 17) Etie nte idikwọrọ etop ubiereikpe ini oro. (Edi 16:21) Gog isọn̄ Magog eyedi en̄wan ye ikọt Abasi. (Eze 38:10-12, 14-16) Ini oro ke Jehovah editọn̄ọ “ekọn̄ akwa usen” esie man anyan̄a ikọt esie. (Edi 16:14, 16) Ana itọn̄ọ idahaemi ikpep ndiyọ se iwọrọde nnyịn man ikeme ndinyene uko nyọ se iditịbede ini oro.

NTE AKPANAMDE:

• Kûyak ndịk anam fi etre ndidu uwem nte Jehovah ọdọhọde.—Isa 5:20

• Ka iso ndisop idem ye ikọt Jehovah. —Heb 10:24, 25

• Sisọp nam se esop Jehovah ẹdọhọde.—Heb 13:17

• Tie kere nte Jehovah akanyan̄ade ikọt esie ke eset.—2Pe 2:9

• Bọn̄ akam nọ Jehovah, nyụn̄ nịm ke enye ayan̄wam fi.—Ps 112:7, 8

ẸSE EKPRI VIDIO ORO ẸDADE ẸTO VIDIO ORO SE IDITỊBEDE KE INI ISO EMI EDIYOMDE INYENE UKO, EKEM ẸBỌRỌ MME MBỤME EMI:

• 

  Nso ikanam ọsọn̄ ndusụk nditọete ndisụk ibuot nnọ mbiowo ini ẹketọde ndusụk esop ẹdọn̄ kiet?

• 

  Didie ke ndisinam se esop Abasi ẹdọhọde edinam nnyịn inyene uko?

• 

  Ntak emi ediyomde inyene uko ke ini ekọn̄ Armageddon?

• 

  Mbụk Bible ewe ekeme ndinam inen̄ede inịm ke Jehovah ayanyan̄a nnyịn?—2Ch 20:1-24