Ka Iso Ndinọ Mme Owo Magazine Nnyịn

Ọtọn̄ọde ke 2018, Enyọn̄-Ukpeme ofụri owo kiet kiet edineme akpan ibuotikọ kiet; ntre n̄ko ke edi ye Ẹdemede! Mme magazine emi ẹsịne ke otu Mme Akpan N̄kpọ Isidade Ikpep Owo Bible, ntre imekeme ndinọ mme owo magazine emi ke ini ikwọrọde ikọ. Imekeme n̄ko ndikama magazine ifan̄ ke ini ikade isan̄ m̀mê ke ini ikade ndidep n̄kpọ. Owo inamke mme magazine emi man isida ikpep mme owo Bible, edi mmọ ẹkeme ndinam ọdọn̄ owo ndikpep Ikọ Abasi.

Ke ama ọkọtọn̄ọ nneme ye owo, kot itie N̄wed Abasi nyụn̄ siak ibuotikọ magazine emi ekerede ke owo oro ayama. Ke uwụtn̄kpọ, edieke enye enyenede ubon, ofụhọde n̄kpa owo esie, m̀mê esịt etịmerede enye, emekeme ndidọhọ ete: “Enyene n̄wed kiet emi n̄kokotde mban̄a n̄kpọ emi. Yak n̄wụt fi ise.” Edieke enye amade ikọ Abasi, emekeme ndinọ enye magazine oro akamade mîdịghe ọnọ ke fon ẹsọk enye, idem ke akpa ini oro ọkwọrọde ikọ ọnọ owo. Okposụkedi emi ndinọ mme owo magazine mîdịghe akpan utom nnyịn, mme magazine nnyịn ẹkeme ndin̄wam nnyịn ifiọk mbon oro ẹnyịmede ndinam se Ikọ Abasi ekpepde.—Ut 13:48.

2018

2019

2020