Ikpọ Mbono Ẹsinam Ikeme Ndiwụt ke Imama Nditọete Nnyịn

Ntak emi esinemde-nem nnyịn ndidụk ikpọ mbono? Kpa nte ekedide ke Israel eset, ke ini idụkde ikpọ mbono, imesinyene ifet ndidiana ye ata ediwak nditọete nnyịn ntuak ibuot nnọ Jehovah. Imesima kpukpru se isikpepde ke mbono oro, sia mmọ ẹsinam inen̄ede ikpere Jehovah. Esinyụn̄ enem nnyịn ndidu ye mme ufan ye mbonubon nnyịn. Imesidụk ofụri usen ita sia mbono emi esinem nnyịn tutu.

Ini ekededi oro idụkde mbono, ikpanaha ikere iban̄a ufọn oro nnyịn ididiade kpọt, edi akpana ikere n̄ko iban̄a se ikemede ndinam man iwụt ke imama mbon en̄wen. (Ga 6:10; Heb 10:24, 25) Ke uwụtn̄kpọ, edieke iyakde ufan̄ odu ke n̄kpọitie ọnọ mbon en̄wen, oro owụt ke imoyom ufọn mmọ. (Php 2:3, 4) Mbono ẹsinam ikeme n̄ko ndinyene mbufa ufan. Ntre, sineme nneme ye mme owo, esịnede mbon emi mûdiọn̄ọke, mbemiso mbono ọtọn̄ọde, ke ini nduọkodudu, ye ke mbono ama akasuana. (2Co 6:13) Imekeme ndikụt owo emi edidide ufan nnyịn ke nsinsi! Se ifọnde ikan edi ke mbon en̄wen ẹkeme nditiene nnyịn nnam n̄kpọ Jehovah ke ini mmọ ẹkụtde nte imade kiet eken.—Joh 13:35.

ẸSE VIDIO ORO “IMA IDIBEHE IFEP”! MBONO OFỤRI ERERIMBOT, EKEM ẸBỌRỌ MME MBỤME EMI:

• 

  Didie ke nditọete ẹkewụt ke imama nditọete oro ẹketode nsio nsio idụt ẹdidụk ikpọ mbono ofụri ererimbot oro ẹkenịmde ke 2019?

• 

  Ntak emi ikemede ndidọhọ ke idụhe mbon emi ẹmade kiet eken ẹnyụn̄ ẹdianade kiet nte ikọt Jehovah?

• 

  Didie ke mbon Otu Emi Ẹsede Ẹban̄a Utom Nnyịn ẹketịn̄ nsio nsio usụn̄ oro ikpowụtde ke imama nditọete nnyịn?

• 

  Didie ke ima anam nditọete nnyịn ẹdiana kiet ke Germany ye ke South Korea?

• Nso ke kpukpru nnyịn ikpebiere ndinam?