Imekeme Nditre Ndisua Owo!

Ọkpọkọm akanam owo isuaha fi, anaedi omokụt nte ẹsuade owo en̄wen. Imesikụt mîdịghe ikop nte ẹsuade owo ke ntak emi enye edide erenowo m̀mê n̄wan, ke ntak ebiet emi enye otode, m̀mê ke ntak ufọkabasi emi enye esikade. Oro anam ukara ediwak idụt ẹnịm ibet emi akpande owo nditịn̄ ikọ m̀mê ndinam n̄kpọ emi owụtde ke ẹsasua owo.

Ke ini owo ọdiọn̄ọde ke ẹsasua imọ, enye n̄ko esisua mbon en̄wen onyụn̄ anam mmọ ibak. Ntak edi oro usua akade iso odu ke ererimbot emi.

Ekeme ndidi mbon emi ẹsuade fi ẹsisari fi, ẹsak fi, ẹsụn̄i fi, mîdịghe ẹdịghe fi uwem. Edi idịghe n̄kukụre se ẹsinamde owo emi ẹsuade edi oro. Usua esinam ẹfiomo owo, ẹbiat n̄kpọ owo, ẹmia owo, ẹdan̄ owo ke n̄kanubọk, mîdịghe ẹwot owo. Usua esikam anam ẹyom ndisobo orụk kiet mfep ofụri ofụri.

Magazine emi ọyọbọrọ mme mbụme emi onyụn̄ etịn̄ se ikpanamde man itre ndisua owo:

• Nso inam usua okpon ntem ke ererimbot emi?

• Nso ke ikpanam man itre ndisua owo?

• Ndi oyodu ini emi usua mîdidụhe aba?