Se ẹkenamde isua oko

KE INI Isaiah eketịn̄de aban̄a se Abasi edinamde ke Obio Ubọn̄ esie, enye ama ewet ke Isaiah 9:7 ete ke “ifịk Jehovah mme udịm edinam emi.” Jesus Christ edi Edidem Obio Ubọn̄ oro, ndien enye ama owụt ke imọ imenen̄ede iyom ẹnam n̄kpọ Abasi ke nnennen usụn̄ ke ini enye okodude ke isọn̄. (John 2:17) Nsio nsio mbụk oro ẹtienede mi ẹwụt nte Mme Ntiense Jehovah ke ofụri ererimbot ẹkpebede Jehovah ye Jesus ẹnyụn̄ ẹn̄wamde mme owo ẹkụt ke Ete mmọ eke heaven ama mmọ.