N̄kọi Isọnsi

NDUSỤK isọnsi ẹsikpon ẹkan ikpọ nnyan bọs. Kpa ye oro, mmọ ẹsikeme ndiwọn̄ọde idem inikiet inikiet ke ini ẹnịmde enịm. Nso inam mmọ ẹkeme ndinam emi? N̄kọi mmọ.

Kere ise: Ediwak isọnsi ye mme unam mmọn̄ eken emi ẹtiede ntre ẹnyene n̄kọi. Edi n̄kọi isọnsi itiehe nte eke mmọ. Enyene ikpọ n̄kpọ emi ẹmụhọrede ke n̄kọi mmọ. Ke ini isọnsi enịmde, enye esida n̄kpọ emi eberi mmọn̄, ndien emi esinam enye ọsọp onyụn̄ ọwọn̄ọde idem nte enye amama. N̄kọi isọnsi emi ẹniọn̄ etieti, ntre mîkpedịghe n̄kpọ emi omụhọrede ke n̄kọi emi, mmọn̄ ekpesiberi enye, inyụn̄ iyakke enye ekeme ndisọp.

Ntaifiọk ke ẹdomo ndida nte n̄kọi isọnsi emi etiede nnam ubọi nsụn̄ikan̄ ye eke ubomofụm, m̀mê mme n̄kpọ ntre.

Afo ekere didie? Ndi ekere ke isọnsi emi enyenede utọ n̄kọi emi okofoforo? Ndi ukereke ke ẹkebobot enye?