Ikpehe 6

Ete Ye Eka Fo

Mme ete ye eka ẹnyene ifiọk ẹkan nditọ mmọ. Mmọ ẹfiọk nte esitiede uyen emi okponde ọwọrọ owo ke idem sia ama odu ini emi mmọ n̄ko ẹkedide uyen. Ke nditịm ntịn̄, mmọ ẹkpekam ẹteme fi se akpanamde nte osụk ọkọride ọwọrọ owo. Edi ekeme nditie fi ndusụk ini nte ke ete ye eka fo ẹkam ẹdadian mfịna ẹnọ fi utu ke ndin̄wam fi ese aban̄a mme mfịna oro enyenede. Ke uwụtn̄kpọ, ekeme ndidi omosobo kiet ke otu mme mfịna emi:

□ Ete ye eka mi ẹsiwak ndidọhọ ke se nnamde ifọnke.

□ Emehe Papa m̀mê Mama ndisida n̄kpọsọn̄ ibọk m̀mê ọkpọsọn̄ mmịn.

□ Ete ye eka mi ẹsima nditọhọ utọk.

□ Ete ye eka mi ẹdian̄ade.

Ibuot 21 esịm 25 ẹyen̄wam fi ọfiọk nte ekpesede aban̄a mme mfịna emi ọkọrọ ye mme mfịna eken.

[Ndise ke page 172, 173]