Ndi Mme Akpan̄kpa Ẹkeme Ndifiak Ndu Uwem?
Ndi ọkpọbọrọ . . .
ih?
ihih?
ekeme ndidi?
SE BIBLE ETỊN̄DE
“Mme owo . . . ẹyeset ke n̄kpa.”—Utom 24:15, Edikabade Eke Obufa Ererimbot.
UFỌN ORO AFO EKEMEDE NDIBỌ NTO EMI
Oyokop ndọn̄esịt ke ini owo fo akpade.—2 Corinth 1:3, 4.
Udukopke ndịk nte ke ayakpa.—Mme Hebrew 2:15.
Oyodori enyịn ndifiak ndu ye iman fo oro ẹkekpade.—John 5:28, 29.
NDI IMEKEME NDINỊM SE BIBLE ETỊN̄DE?
Ih, imenyene ntak ita ke nsụhọde n̄kaha ndinịm:
Abasi edi Ntọn̄ọ uwem. Bible okot Jehovah Abasi “ntọn̄ọ uwem.” (Psalm 36:9; Utom 17:24, 25) Owo emi ọkọnọde kpukpru mme edibotn̄kpọ uwem ekeme ndinam owo oro akakpade afiak odu uwem.
Abasi ama anam mme owo ẹset ke ini edem. Bible etịn̄ aban̄a owo itiaita oro ẹkenamde ẹset—n̄kpri ye ikpọ, iren ye iban. Ndusụk mmọ ikakpaha ibịghi, edi owo kiet ama odu ke udi usen inan̄!—John 11:39-44.
Ọdọn̄ Abasi ndifiak nnam mme owo ẹset. Jehovah imaha nte mme owo ẹsikpan̄ade; enye ada n̄kpa nte asua. (1 Corinth 15:26) ‘Ọdọn̄’ enye ndikan asua oro, nsio n̄kpa mfep, nnyụn̄ nnam mme owo ẹset. Ọdọn̄ enye ndinam mbon oro enye emekde nditi ẹfiak ẹdidu uwem ke isọn̄.—Job 14:14, 15.