Nyene Uko

Se Jesus Akanamde

VIDIO: Jesus Ọnọ Akparawa Emi Edide Owo Inyene ye Andikara Item

1. Se VIDIO emi, mîdịghe kot Mark 10:17-22. Ekem bọrọ mme mbụme emi:

1. Mme nti edu ewe ke Jesus okokụt ke idem akparawa oro ekedide owo inyene ye andikara do?

2. Ntak emi akanade Jesus enyene ima ye uko man ekeme ndinọ ete oro item?

Nso ke Ikpep Ito Jesus?

2. Kpa ye oro anade isitịn̄ ikọ ima ima, ana inen̄ede itịn̄ se anade owo emi isikpepde Bible anam man enye aka iso ekpere Jehovah.

Kpebe Jesus

3. N̄wam owo emi esikpepde Bible ebiere se edinamde inọ Abasi onyụn̄ anam se enye ebierede oro.

1. Neme ikpehe “Se Afo Edinamde” emi odude ke n̄wed Du Ata Uwem ke Nsinsi! ke ini ẹnemede ukpepn̄kpọ kiet kiet.

2. N̄wam owo emi ekpepde Bible ọdiọn̄ọ se enye akpanamde man ekeme ndinam se enye ekebierede ndinam nnọ Abasi.

3. Toro owo emi esikpepde Bible ke ofụri se enye anamde.

4. Se mme n̄kpọ emi ẹkemede ndikpan enye ndisịn idem ke ukpepn̄kpọ oro, nyụn̄ n̄wam enye akan mme n̄kpọ oro.

1. Bụp idemfo ete:

   • ‘Edieke owo emi nsikpepde Bible mînamke n̄kpọ man ekeme ndina baptism, nso ikpan enye?’

   • ‘Nso ke n̄kpanam n̄n̄wam enye?’

2. Ben̄e Abasi an̄wam fi enyene uko etịn̄ se enye akpanamde ke ima ima usụn̄.

5. Tre ukpepn̄kpọ oro.

1. Bụp idemfo mme mbụme emi man ọdiọn̄ọ nte owo emi esikpepde Bible adade ukpepn̄kpọ oro:

   • ‘Ndi enye esinam se enye ekpepde?’

   • ‘Ndi enye esidụk mme mbonoesop onyụn̄ eneme se enye ekpepde ye mme owo?’

   • ‘Ke ẹma ẹkekpep n̄kpọ ke anyan ini, ndi enye oyom nditiene ndi Ntiense Jehovah?’

2. Edieke owo emi esikpepde Bible mîmaha ndinam se enye ekpepde:

   • Dọhọ enye ekere se imụmde enye ikama.

   • Da mbufiọk nam enye ọdiọn̄ọ ntak oyomde nditre ukpepn̄kpọ oro.

   • Nam enye ọdiọn̄ọ se anade enye anam man ẹfiak ẹtọn̄ọ ukpepn̄kpọ oro.