Di Mbono District “Idara Idara Mme Anditoro”

NSO inem inem ibuotikọ ke ẹmek ntem ẹnọ mme mbono district eke 1995: “Idara Idara Mme Anditoro”! Emi ke akpanikọ edi se Mme Ntiense Jehovah ẹdide! Mme anditoro anie? Kamse, ke akpanikọ Jehovah Abasi!

Jehovah inyeneke mbiet, inyeneke n̄ka, inyeneke udomo, edi n̄wọrọnda ke ata ediwak usụn̄. Enye edi akakan ke odudu, akakan ke ọniọn̄, ata mfọnmma ke unenikpe, ye uwụtn̄kpọ ima. Enye odot, akan kpukpru mmọ en̄wen, ndibọ utuakibuot ye itoro nnyịn.

Ke akpanikọ oyom nnyịn idi idara idara mme anditoro enye! Man an̄wam nnyịn, Otu Ukara eke Mme Ntiense Jehovah omodiomi inem inem ndutịm mbono usen ita, ọtọn̄ọde ke ndaeyo 1995. Ke akpanikọ usen ita ẹmi ẹdidi mme idara idara usen, ndien eyeyom Ntiense Jehovah kiet kiet anam se ekekeme ndidu do ọtọn̄ọde ke ikwọ ediberede ke usenubọk Friday tutu osịm ikwọ ye akam ediberi ke mbubịteyo Sunday.