Nte Afo Emeti?
Nte afo ama ọbọ ufọn oto edikot mme nsiondi Enyọn̄-Ukpeme eke ndondo emi? Se m̀mê emekeme ndibọrọ mme mbụme oro ẹtienede mi:
• Ntak emi enen̄erede edi akpan n̄kpọ nnyịn emi idide mme Christian ndisọn̄ọ nda?
Ndisọn̄ọ nda owụt ke ida inọ ukara Jehovah inyụn̄ iwụt ke Satan edi osu nsu. Nsọn̄ọnda nnyịn n̄ko ke Abasi edida ebiere ikpe ọnọ nnyịn, ntre oyom isọn̄ọ ida man inyene idotenyịn ndidu uwem ke ini iso.—12/15, page 4-6.
• Mme udorienyịn̄ ewe ẹwụt san̄asan̄a itie oro Jesus enyenede ke uduak Abasi?
Ikpọn̄-ikpọn̄ edibon Eyen. Ikọ. Amen. Esịne-Ufọt obufa ediomi. Akwa Oku. Mfri oro ẹken̄wọn̄ọde.—12/15, page 15.
• Ntak emi Elijah ọkọdọhọde asan̄autom esie ese edem inyan̄ ke ini enye ekeben̄ede Abasi anam edịm edep-e? (1 Ndi. 18:43-45)
Elijah okowụt ke imọ imọfiọk nte edịm esisan̄ade edep. Obubịt enyọn̄ esitọn̄ọ ke inyan̄ ekem asuana edep nte edịm.—1/1, page 15-16.
• Nso ke ikpanam man inen̄ede ikop inem utom ukwọrọikọ?
Akpa n̄kpọ oro inyenede ndinam edi nditịm esịt nnyịn, nnyụn̄ nnen̄ede n̄kere nte ikpan̄wamde mme owo. Uduak ukwọrọikọ nnyịn ekpedi nditọn̄ọ ukpepn̄kpọ Bible. Edieke mme owo mînyeneke udọn̄ ke ido ukpono, nnyịn imekeme ndikpụhọde usụn̄ oro isikwọrọde ikọ man edemede udọn̄ mmọ.—1/15, page 8-10.
• Ndi akpamfia oro ẹtịn̄de ẹban̄a ke Bible edi ukem ye udọn̄ọ oro ẹkotde akpamfia mfịn?
Udọn̄ọ akpamfia oro odude mfịn ama odu ke eyo oro ẹkewetde Bible. (Lev. 13:4, 5) Bible ọdọhọ n̄ko ke akpamfia ama esidu ke ọfọn̄ ye ke ufọk. Etie nte orụk “akpamfia” emi ke ẹkot mfụk m̀mê n̄kọrọsi idahaemi. (Lev. 13:47-52)—2/1, page 19.
• Didie ke se Bible ekpepde akpan̄wam Christian ebiere nte ikpanamde ubụkowo?
Okposụkedi emi Christian ekemede ndifụhọ ke ini owo esie akpade, enye ọdiọn̄ọ ke mme akpan̄kpa ifiọkke n̄kpọ ndomokiet. Idem ọkpọkọm mbon oro mînịmke ke akpanikọ ẹtịn̄ se ẹmama ye enye, oro idinamke enye etiene anam mme n̄kpọ oro ẹwụtde ke mme akpan̄kpa ẹkeme ndinam mme odu-uwem n̄kpọ. Ndusụk nditọete ẹsiwewet nte mmọ ẹyomde ẹbụk mmimọ mbak utọ mfịna emi edidu.—2/15, page 29-31.
• Psalm 1:1 ọdọhọ ke ewe n̄kpọ ita ke nnyịn mîkpanamke edieke iyomde ndikop inemesịt?
Itien̄wed oro asiak “item mme idiọk owo,” “usụn̄ mme anam idiọk,” ye “itie mbon nsahi.” Man ikop inemesịt, ana ifep mbon oro ẹsakde m̀mê ẹkam ẹfụmide mbet Abasi. Utu ke oro, nnyịn ikpenyene ndiyak mbet Jehovah adat nnyịn esịt.—3/1, page 17.
• Ndi “n̄wed Jashar” ye “n̄wed mme ekọn̄ Jehovah” ẹdi mme n̄wed Bible oro ẹkesopde? (Josh. 10:13; Num. 21:14)
Baba-o. Etie nte mmọ ẹdi mme n̄wed oro owo mîkadaha spirit Abasi iwet, oro ẹkedude ke mme ini Bible ndien ndusụk mme andiwet Bible ẹma ẹsitịn̄ n̄kpọ ẹban̄a mme n̄wed emi.—3/15, page 32.
• Akamba ukpuhọde ewe ke ẹnam ke nte ẹkabarede Bible ke usem Latin?
Ke 1979, Pope John Paul II ama enyịme nte ẹkekabarede Nova Vulgata, obufa Bible ke usem Latin. Enyịn̄ Abasi, oro edi, Iahveh, ama esịne ke ndusụk itie ke Bible oro. (Ex. 3:15; 6:3) Edi ke ini ẹkefiakde ẹkabade Bible emi ke 1986, ẹma ẹsịn Dominus [oro edi, Ọbọn̄] ke mme itie oro Iahveh okodude.—4/1, page 22.