Eke N̄kparawa Owo

Nte Ekpebede Idomo

JOSEPH—AKPA IKPEHE

Item: Tie ke ebiet oro uyom mîdụhe kot mme itie N̄wed Abasi emi nyụn̄ nam se ẹdọhọde anam mi. Nam nte omokụt se ẹbụkde ke itie N̄wed Abasi oro ye nte ke afo do ye mmọ. Nam nte omokop se ẹtịn̄de. Kere nte se iketịbede ẹketụkde mme owo emi ke idem. Yak itien̄wed emi enen̄ede otụk fi.

Mme akpan owo ke mbụk emi: Joseph ye n̄wan Potiphar

Se mbụk emi aban̄ade: Joseph ebe idomo edisịn efịbe ye n̄wan Potiphar.

1 TIE KERE SE IKETỊBEDE.—KOT GENESIS 39:1-12.

Afo ekere ke ufọk Potiphar okokpon onyụn̄ eye adan̄a didie?

․․․․․

Da enyịn ikike se ise, ekere ke Joseph eketie didie? (Fiak kot ufan̄ikọ 6.)

․․․․․

Afo ekere ke Joseph ekenịm didie uyo etịn̄ ikọ ye n̄wan Potiphar ke ufan̄ikọ 8 ye 9?

․․․․․

2 NEN̄EDE TIE KERE.

Nso ikpakanam Joseph ọduọ odụk idomo emi? (Kot Philippi 2:12 nyụn̄ kere ban̄a ebiet emi Joseph okodude. M̀mọ̀n̄ ke mbonufọk mmọ ye ekemmọ mme andituak ibuot nnọ Jehovah ẹkedu ke ini idomo emi?)

․․․․․

Afo ekere ke nso ikanam Joseph ekere ke owo emi esịnde efịbe anam idiọkn̄kpọ adian Abasi, ke ini ibet emi akpande efịbe mîkodụhe kan̄a ini oro? (Kot nyụn̄ tie kere mme itien̄wed emi: Genesis 2:24; 12:17, 18; Rome 2:14, 15; ye Mme Hebrew 5:14.)

․․․․․

3 DA SE EKPEPDE SỊN KE EDINAM. WET SE EKPEPDE ABAN̄A . . .

Ebuana emi mfara ke idem enyenede ye ukpono idemowo.

․․․․․

Ufọn emi mbon oro ẹsidude uwem nte Abasi etemede ẹsidiade.

․․․․․

Ufọn edinọ “ukeme ufiọk n̄kpọ” nnyịn ukpep. (Mme Hebrew 5:14)

․․․․․

KA ISO DA SE EKPEPDE SỊN KE EDINAM.

Ke mme ini ewe ke oyom enen̄ede ekpeme mbak udûnam oburobụt ido? (Kot nyụn̄ tie kere Job 31:1; Psalm 119:37; Ephesus 5:3, 4.)

․․․․․

4 NSO KE AFO ENEN̄EDE AMA KE MBỤK EMI, NDIEN NTAK-A?

․․․․․

Edieke mûnyeneke Bible, dọhọ Mme Ntiense Jehovah ẹnọ fi idem kiet, mîdịghe kot ke ikpehe intanet emi www.watchtower.org