Ntak Anade Idụn̄ọde Ido Ukpono Nnyịn-e?

Da nte ke afo oyom ndika usiakidem. Oyoyom afo enen̄ede odụn̄ọde m̀mê abiausọbọ emi oyomde ndisiak fi idem enen̄ede ọdiọn̄ọ utom sia uwem fo edisịne enye ke ubọk.

Kpasụk ntre, oyom inen̄ede idụn̄ọde ido ukpono nnyịn ise sia se ẹnamde do edibiere m̀mê iyodu uwem nte nditọ Abasi inyụn̄ ibọ edinyan̄a.

Jesus ama eteme nnyịn nte ikemede ndidiọn̄ọ ido ukpono emi ọfọnde. Enye ọkọdọhọ ete: “Ẹdiọn̄ọ eto kiet kiet ke mfri esie.” (Luke 6:44) Edieke afo esede ido ukpono kiet kiet, nso mfri ke mmọ ẹsion̄o? Ndi ikpọ owo mmọ ẹnen̄ede ẹma okụk? Ndi mbon ido ukpono oro ẹnam se Bible etịn̄de aban̄a ekọn̄ ẹnyụn̄ ẹdu eti uwem? Ndi osụk odu ido ukpono emi ọfọnde? Mbọk kot mme ibuotikọ emi ẹtienede.