MME MBỤME BIBLE ORO ẸBỌRỌDE
Ndi mme akpan̄kpa ẹyefiak ẹdidu uwem?
N̄kpa onyụn̄ etie nte idap. Mme akpan̄kpa isifiọkke baba n̄kpọ kiet. Sia edide Abasi okobot nnyịn, enye ekeme ndinam mme akpan̄kpa ẹset. Nnyịn isan̄a didie ifiọk emi? Enye ama ọnọ Jesus odudu ndinam ediwak owo oro ẹkekpan̄ade ẹset.—Kot Ecclesiastes 9:5; John 11:11, 43, 44.
Didie ke n̄kpa etie nte idap?
Abasi ọn̄wọn̄ọ ndinam mme akpan̄kpa ẹset ẹdidu ke obufa ererimbot. Kan̄a ke emi, mmọ ẹnyene ndibebet tutu Abasi anam mmọ ẹset. Enen̄ede ọdọn̄ Abasi ndinam mme akpan̄kpa ẹset.—Kot Job 14:14, 15.
Mbon oro ẹnamde ẹset ẹditie didie?
Mbon oro Abasi edinamde ẹset ẹyediọn̄ọ idem ẹnyụn̄ ẹdiọn̄ọ mme ufan mmọ ye mbon mmọ. Kpa ye oro mmọ ẹma ẹkekpa ẹdiahade, Abasi ayanam mmọ ẹset onyụn̄ ọnọ mmọ obufa idem.—Kot 1 Corinth 15:35, 38.
Ibat ibat owo ẹdiset ika heaven. (Ediyarade 20:6) Ata ediwak ẹdiset ididu uwem mi ke isọn̄ ke Paradise. Mmọ ẹyefiak ẹtọn̄ọ uwem, ẹyenyụn̄ ẹkeme ndidu ke nsinsi.—Kot Psalm 37:29; Utom 24:15.