Bible Ọdọhọ Didie?
Nso isitịbe ke ini owo akpade?
NDUSỤK OWO ẸNỊM ke owo ama akpa, ke enyene n̄kpọ emi esiwọrọde enye ke idem okodu uwem ke ebiet en̄wen, edi mbon en̄wen ẹnịm ke owo ama akpa, esie okụre. Nso ke afo enịm?
SE BIBLE ỌDỌHỌDE
‘Mme akpan̄kpa ifiọkke baba n̄kpọ kiet.’ (Ecclesiastes 9:5) Owo ama akpa, enye idụhe uwem aba.
N̄KPỌ EN̄WEN ORO IKPEPDE KE BIBLE
Adam, akpa owo emi Abasi okobotde, akafiak ke ntan ke ini enye akakpade. (Genesis 2:7; 3:19) Kpasụk ntre, kpukpru mbon oro ẹkpade ẹsifiak ke ntan.—Ecclesiastes 3:19, 20.
Ikpe idiọkn̄kpọ etebe mbon emi ẹma ẹkekpa. (Rome 6:7) Owo ama akpakpa, enye isibọhọ ufen idiọkn̄kpọ esie aba.
Ndi mme akpan̄kpa ẹkeme ndifiak ndu uwem?
DIDIE KE ỌKPỌBỌRỌ?
Ih
Ihih
Ekeme ndidi
SE BIBLE ỌDỌHỌDE
Mme owo “ẹyeset ke n̄kpa.”—Utom 24:15.
NSO EN̄WEN KE BIBLE ỌDỌHỌ?
Bible esiwak ndimen n̄kpa ndomo ye idap. (John 11:11-14) Abasi ekeme ndinam owo eset, kpa nte nnyịn ikemede ndidemede owo ke idap.—Job 14:13-15.
Bible etịn̄ aban̄a nsio nsio owo emi ẹkenamde ẹset, ndien emi anam nnyịn inen̄ede inịm ke Abasi ayanam mme akpan̄kpa ẹset.—1 Ndidem 17:17-24; Luke 7:11-17; John 11:39-44.