Watchtower LIBRARY EKE INTANET
Watchtower
LIBRARY EKE INTANET
Efịk
Ẹ,Ê,Ị,Ọ,Ụ,Û,N̄
  • Ẹ
  • ẹ
  • Ê
  • ê
  • Ị
  • ị
  • Ọ
  • ọ
  • Ụ
  • ụ
  • Û
  • û
  • N̄
  • n̄
  • BIBLE
  • MME N̄WED
  • MBONO ESOP
  • wp16 No. 2 p. 3-4
  • Ndi N̄kpọ Emi Ama Etịbe?

Vidio ndomokiet idụhe mi.

Kûyat esịt, n̄kpọ anam vidio emi okûbre.

  • Ndi N̄kpọ Emi Ama Etịbe?
  • Enyọn̄-Ukpeme Ọnọ Ntọt Obio Ubọn̄ Jehovah (Eke Ofụri Owo)—2016
  • N̄kpri Ibuotikọ
  • Ukem Ibuot Nneme
  • SE NDỤN̄ỌDE OWỤTDE
  • NDI EDI AKPANIKỌ KE JESUS AMA ESET?
  • Jesus Ndikeset Enyene Ufọn Ọnọ Nnyịn
    Enyọn̄-Ukpeme Ọnọ Ntọt Obio Ubọn̄ Jehovah—2014
  • Ndi Jesus Ama Eset ke Akpanikọ?
    Enyọn̄-Ukpeme Ọnọ Ntọt Obio Ubọn̄ Jehovah—2013
  • Mme Gospel—Mbụk m̀mê N̄ke?
    Enyọn̄-Ukpeme Ọnọ Ntọt Obio Ubọn̄ Jehovah—2000
  • Imenịm ke Mme Owo Ẹyeset!
    Enyọn̄-Ukpeme Ọnọ Ntọt Obio Ubọn̄ Jehovah (Eke Ukpepn̄kpọ)—2020
Se En̄wen En̄wen
Enyọn̄-Ukpeme Ọnọ Ntọt Obio Ubọn̄ Jehovah (Eke Ofụri Owo)—2016
wp16 No. 2 p. 3-4
Ẹkọn̄ọde okpo Jesus ke eto ndutụhọ, ndien mme mbet esie ẹda ẹse

IBUOTIKỌ MAGAZINE EMI | NTAK EMI JESUS ỌKỌBỌDE UFEN ONYỤN̄ AKPADE?

Ndi N̄kpọ Emi Ama Etịbe?

Ke isua 33 C.E., ẹma ẹwot Jesus eyen Nazareth. Ẹma ẹdori enye ikọ ẹte ke ọsọn̄ ibuot ye ukara, ẹmia enye ẹnọ unan, ẹnyụn̄ ẹkọn̄ enye ke eto. Enye ama ọkọn̄ọ do amian̄a tutu akpa. Edi Abasi ama anam enye eset, ndien ke usen 40 ama ekebe, enye ama afiak ọnyọn̄ heaven.

N̄wọrọnda mbụk emi odu ke Gospel inan̄ emi ẹdude ke N̄wed Abasi Usem Greek, oro ẹsikotde Obufa Testament. Ndi n̄kpọ emi ama etịbe? Ata akpan mbụme edi emi, sia edieke n̄kpọ emi mîketịbeke, ọwọrọ se mme Christian ẹkpepde edi nsu, ndien ndidori enyịn ke iyodu uwem ke nsinsi ke Paradise ekpetie nte owo ndidaba ndap. (1 Corinth 15:14) Edi edieke edide n̄kpọ emi ama etịbe, ọwọrọ idotenyịn odu ke n̄kpọ ọyọfọn ke ini iso, ndien afo emekeme nditiene ndia ufọn. Ntre, ndi se mme Gospel ẹtịn̄de edi akpanikọ m̀mê nsu?

SE NDỤN̄ỌDE OWỤTDE

Mme Gospel itiehe nte n̄wed n̄ke, mmọ ẹtịn̄ nnennen se iketịbede ẹnyụn̄ ẹtịn̄ mme n̄kpọ en̄wen oro anamde mbụk mmọ enen̄ede an̄wan̄a. Ke uwụtn̄kpọ, mmọ ẹsiak nsio nsio obio emi ẹkedude ini oro, ndien mme owo mfịn ẹsika ẹkese mme obio emi. Mmọ ẹtịn̄ n̄ko ẹban̄a mbon emi ẹkedude uwem ini oro, ndien mme ewetmbụk ererimbot ẹsiak mbon emi n̄ko.—Luke 3:1, 2, 23.

Mme ewetmbụk eset emi ẹkedude ke eyo Jesus ye mbon oro ẹkedude isua ifan̄ ke oro ebede ẹma ẹwet n̄kpọ n̄ko ẹban̄a Jesus.a Se mme Gospel ẹtịn̄de ẹban̄a nte ẹkewotde Jesus onyụn̄ edi ukem ye nte mbon Rome ẹkesiwotde owo ini oro. N̄ko, ẹwet nnennen se iketịbede, owo idịpke n̄kpọ, utọ nte ndusụk se mme mbet Jesus ẹkenamde emi mîfọnke. (Matthew 26:56; Luke 22:24-26; John 18:10, 11) Kpukpru emi owụt ke se mme andiwet Gospel ẹkewetde ẹban̄a Jesus enen onyụn̄ edi akpanikọ.

NDI EDI AKPANIKỌ KE JESUS AMA ESET?

Ndusụk owo ẹnịm ke Jesus ama odu uwem ke isọn̄ emi onyụn̄ akpa, edi mmọ inịmke ke enye ama eset. Mme apostle Jesus ikakam inịmke ke enye ama eset akpa ini emi mmọ ẹkekopde. (Luke 24:11) Edi mmọ ẹma ẹnịm ke ini mmọ ye mme mbet eken ẹkekụtde Jesus. Jesus ama owụt mmọ idem ke nsio nsio ini. Isan̄ kiet, se ibede owo 500 ẹma ẹkụt enye.—1 Corinth 15:6.

Kpa ye oro mme mbet Jesus ẹkediọn̄ọde ke ẹkeme ndimụm mmimọ n̄wot, mmọ ẹma ẹnen̄ede ẹsịn idem ẹkwọrọ ke Jesus ama eset. Mmọ ẹma ẹtịn̄ ẹnọ kpukpru owo, esịnede mbon oro ẹkewotde Jesus. (Utom 4:1-3, 10, 19, 20; 5:27-32) Ndi mmọ ẹkpekenyene uko ntre edieke mmọ mîkpekenịmke ke Jesus ama eset? Jesus ndikeset akakam anam mme Christian oro ẹkedude ke eyo esie ye mbon oro ẹdude idahaemi ẹnen̄ede ẹsịn idem ẹnam n̄kpọ Abasi.

Se ẹwetde ke mme Gospel ẹban̄a n̄kpa ye ediset ke n̄kpa Jesus edi ata ofụri akpanikọ. Edieke etịn̄de enyịn okot se ẹwetde do, oyokụt ke n̄kpọ emi ama etịbe. Ndien edieke ọdiọn̄ọde ntak emi Jesus akakpade, eyenen̄ede enịm se ẹwetde ke mme Gospel ẹban̄a enye. Ibuotikọ oro etienede eyetịn̄ ntak emi Jesus akakpade.

a Tacitus emi akamanade ke n̄kpọ nte isua 55 eyo mme apostle ekewet ete: “Christ, emi ẹdade enyịn̄ oro Christian ẹto, ama ọbọ ọkpọsọn̄ ufen ke ini ukara Tiberius ke ubọk andikara nnyịn kiet, Pontius Pilatus.” Mme ewetmbụk eset en̄wen oro ẹkewetde n̄kpọ ẹban̄a Jesus ẹdi Suetonius (emi okodude ke eyo Jesus); Josephus eyen Jew (emi okodude ke eyo Jesus); ye Ekpri Pliny, andikara Bithynia (emi okodude isua ifan̄ ke eyo Jesus ama ekebe).

Ntak Emi Owo Mîkwe Ediwak Se Mme Ewetmbụk Eset Ẹkewetde Ẹban̄a Jesus?

Mme owo ẹkeme ndikere ke sia Jesus ekedide ata akpan owo ke ini enye okodude mi ke isọn̄, ke akpana ẹkụt ediwak n̄kpọ emi mme ewetmbụk eyo esie ẹkewetde ẹban̄a enye. Edi ti ke ẹkewet mme Gospel n̄kpọ nte isua 2,000 emi ẹkebede, ndien ediwak se ẹkewetde ini oro idụhe aba. (1 Peter 1:24, 25) N̄ko, ediwak owo ẹkesasua Jesus, ntre idụhe nte mmọ ẹkpewetde n̄kpọ oro edinamde mme owo ẹbuọt idem ye Jesus.

Peter emi ekedide kiet ke otu mme apostle Jesus ekewet ntem aban̄a ediset ke n̄kpa Jesus: “Abasi ama anam Owo emi eset ke ọyọhọ usen ita onyụn̄ anam enye owụt mme owo idem, iwụtke kpukpru owo, edi owụt mme ntiense emi Abasi ekebemde iso emek, kpa nnyịn, emi ikadiade inyụn̄ in̄wọn̄de n̄kpọ ye enye ke enye ama ekeset ke n̄kpa.” (Utom 10:40, 41) Ntak emi Jesus mîkowụtke kpukpru owo idem? Ke ini mme asua Jesus ẹkekopde ke enye eset, Gospel Matthew ọdọhọ ke mmọ ẹma ẹyom n̄kpọ ẹnam mbak mme owo ẹdikop ke Jesus ama eset.—Matthew 28:11-15.

Ndi emi ọwọrọ ke Jesus ikoyomke mme owo ẹfiọk ke imọ imeset? Baba, sia Peter ama aka iso ọdọhọ ete: “Enye ama owụk nnyịn ete ikwọrọ ikọ inọ mme owo inyụn̄ inọ ọyọhọ ikọ ntiense ite ke emi edi Owo emi Abasi ekenịmde ete edi ebiereikpe ọnọ mme odu-uwem ye mme akpan̄kpa.” Ata mme Christian ke ẹnam emi, kpa nte ẹkenyụn̄ ẹnamde ke eset.—Utom 10:42.

    Mme N̄wed Ikọ Efịk (1982-2025)
    Wọrọ
    Dụk
    • Efịk
    • Share
    • Mek nte amade
    • Copyright © 2025 Watch Tower Bible and Tract Society of Pennsylvania
    • Nte Ẹkpedade Ikpehe Intanet Emi Ẹnam N̄kpọ
    • Ediomi
    • Privacy Settings
    • JW.ORG
    • Dụk
    Share