Abasi ese didie ufen oro afo ọbọde?

Ndusụk owo ẹkere ke Abasi ikwe ufen oro ibọde, ke inyụn̄ ibeheke-behe enye m̀mê nso itịbe inọ nnyịn.

SE BIBLE ỌDỌHỌDE

• Abasi okụt ufen oro ibọde, esinyụn̄ abiak enye

  “Jehovah okụt nte idiọkn̄kpọ owo awakde ke isọn̄ . . . , esịt onyụn̄ ayat enye.” ​—Genesis 6:​5, 6.

• Abasi ayanam kpukpru ufen etre

  “Ayak esisịt, idiọkowo ididụhe aba; afo oyonyụn̄ etịn̄ enyịn ke ebiet esie, ndien enye ididụhe. Edi mbon nsụkidem ẹyeda isọn̄ ẹnyene, ediwak emem oyonyụn̄ adat mmọ esịt.” ​—Psalm 37:​10, 11.

• Se Abasi aduakde aban̄a fi

  “‘Ami mmọfiọk ekikere oro ami n̄kerede mban̄a mbufo,’ uyo Jehovah edi emi, ‘ekikere emem, idịghe eke afanikọn̄, man nnọ mbufo ini iso ye idotenyịn. Ndien mbufo ẹyekot mi ẹnyụn̄ ẹdi ẹdibọn̄ akam ẹnọ mi, ami nyonyụn̄ n̄kpan̄ utọn̄ nnọ mbufo.’”​—Jeremiah 29:​11, 12.

  “Ẹsan̄a ẹkpere Abasi, ndien enye ayasan̄a ekpere mbufo.”​—James 4:8.