Tịm Idem nọ Utom Magazine ke April

Nte ẹkụtde ke 1996 Calendar nnyịn, ẹdinịm usọrọ Udia Mbubịteyo Ọbọn̄ isua emi ke April 2. Ke ibọde nsịnudọn̄ ito akwa edinam emi, ẹyak kpukpru owo ẹbuana ke ifịk ifịk edisuan magazine ke ofụri April. Nso ekemini magazine ke nnyịn idikama ntem inam n̄kpọ! Enyọn̄-Ukpeme eke April 1 ediwụk ntịn̄enyịn ke utịn̄ikọ an̄wa mbono district isua oko, “Ẹtoro Nsinsi Edidem!” Enyọn̄-Ukpeme eke April 15 editiene ibuotikọ akpan utịn̄ikọ an̄wa eke April isua oko, “Utịt Nsunsu Ido Ukpono Emekpere.” Akpan utịn̄ikọ an̄wa isua emi ke April 21, “Ndinana Ubiomikpe ke Ufọt N̄kwakwan̄a Emana,” ekpenyene ndidi n̄kpọ efen oro ọnọde odudu. Nnyịn iyọnọ Awake! eke April 22 ke ibuotikọ oro “When Wars Will Be No More” (Ini Emi Ekọn̄ Mîdidụhe Aba).

Nte n̄kpọ ẹnamde ẹtiene ubịnikọt Mbụk Obio Ubọn̄ eke October isua oko, April emi ekpenyene ndidi n̄wọrọnda ọfiọn̄ ọnọ edisuan magazine. Idahaemi edi ini ndinam ndutịm. Ediwak owo ẹyeyom ndisịn enyịn̄ nte mme asiakusụn̄ unọ un̄wam. Nte ekemde ye udọn̄, ẹkpenyene nditobo mme ibat magazine eke April efen efen. Ẹkeme ndinam ndutịm nnọ Mme Usen Magazine, ye kpukpru owo ẹsịnde ukeme ndibuana—usenubọk, uwemeyo, ye/m̀mê mbubịteyo. Ẹyak kpukpru nnyịn ‘idi mme anam-ikọ.’ Nte ẹkebemde iso ẹtịn̄ ẹban̄a Messiah ke Psalm 69:9, nnyịn n̄ko ikpakam ikeme ndidọhọ ite: “Ufụp ufọk fo [amadia] mi.”—Jas. 1:22; John 2:17.