Ufọkn̄wed Utom Ukara Abasi eke 1998

Ndika ufọkn̄wed ọwọrọ “ndidi se ẹnọde ukpep m̀mê se ẹsịnde akpan ifiọk m̀mê usọ ke ekikere.” Ebede ke Ufọkn̄wed Utom Ukara Abasi, ẹnọ nnyịn ukpep kpukpru ini ke ifiọk Abasi. N̄ko, nnyịn ndibuana ke ufọkn̄wed emi anam nnyịn ifori mme usọ utịn̄ikọ ye eke unọ ukpep nnyịn. Ndutịm ufọkn̄wed eke 1998 ọyọnọ nnyịn ediwak ifet ndinam n̄kaiso n̄kọri eke spirit.

Nte afo odụn̄ọrede ndutịm ufọkn̄wed isua en̄wen, afo oyokụt ete ke ini ke ini Utịn̄ikọ Nọ. 3 edikọn̄ọ ke Me Ibuot-ikö Bible Ndida Nyene Neme. N̄ko-n̄ko, ẹdian n̄wed Inemesịt Ubon ke ukpepn̄kpọ ke 1998, ndien Utịn̄ikọ Nọ. 3 ye Nọ. 4 ẹyekụre enye ke adiana ke adiana. Ini ekededi Utịn̄ikọ Nọ. 4 ọkọn̄ọde ke n̄wed Inemesịt Ubon, eyenete eren ekpenyene ndinọ enye nte utịn̄ikọ ẹnọde esop. Ndien, nte n̄kpọ editi, owo ndomokiet ke ndutịm ufọkn̄wed ikpenyeneke ndidia ini.

Obufa Ikpehe: Kaban̄a ọkpọkpọ ufọn nnyịn, ẹdọn̄ “Udiana Ndutịm Edikot Bible” ke braket ẹkpere nọmba ikwọ ke urua kiet kiet. Okposụkedi ikpehe ndutịm ufọkn̄wed eke urua ke urua ndomokiet mîkọn̄ọke ke enye, nam edi utịtmbuba fo nditiene enye. Emi ayanam fi enyene edu edikot Bible ke usen ke usen edieke edide afo unamke-nam ntre.

Kaban̄a ntọt efen efen ke se ẹnọde ẹnam, item, ye mme edifiak nse ẹwetde-wet, mbọk tịm kot mme item ẹdude ke “Ndutịm Ufọkn̄wed Utom Ukara Abasi eke 1998,” ọkọrọ ye page 3 ke Utom Obio Ubọn̄ Nnyịn eke October 1996.

Edieke afo mûsịnke enyịn̄ kan̄a ke Ufọkn̄wed Utom Ukara Abasi, nnyịn inọ fi ikot ndisịn enyịn̄ idahaemi. N̄wọrọnda ufọkn̄wed emi aka iso ndinyene akpan udeme ke ndinọ mme asan̄autom Jehovah oro ẹsụhọrede idem ẹnyụn̄ ẹsịnde idem ukpep ndinen̄ede ndot nte mme asan̄autom.—1 Tim. 4:13-16.