Se Bible Etịn̄de Aban̄a Obio Ubọn̄ Abasi
Jesus ekekpep mme mbet esie ndibọn̄ akam ntem: “Ete nnyịn emi odude ke heaven, yak ẹnam enyịn̄ fo asana. Yak obio ubọn̄ fo edi. Yak uduak fo ada itie, nte edide ke heaven, yak edi ke isọn̄ kpasụk ntre.” (Matthew 6:9, 10) Nso idi Obio Ubọn̄ Abasi? Nso ke enye anam? Ndien ntak emi ikpọbọn̄de akam idọhọ enye edi?
Jesus edi Edidem Obio Ubọn̄ Abasi.
Luke 1:31-33: “Afo enyene ndisio enye enyịn̄ Jesus. Enye oyokpon, oyonyụn̄ ekere Eyen Ata Edikon̄; ndien Jehovah Abasi ọyọnọ enye ebekpo ete esie David, ndien enye ayakara ufọk Jacob nte edidem ke nsinsi, obio ubọn̄ esie idinyụn̄ inyeneke utịt.”
Jesus ekenen̄ede ọkwọrọ aban̄a Obio Ubọn̄ Abasi.
Matthew 9:35: “Jesus asan̄a akanade kpukpru obio ye mme obio-in̄wan̄, ekpep n̄kpọ ke mme synagogue mmọ onyụn̄ ọkwọrọ eti mbụk obio ubọn̄ onyụn̄ ọkọk kpukpru orụk udọn̄ọ ye kpukpru orụk ndiọkidem.”
Jesus ama ọnọ mme mbet esie idiọn̄ọ emi edinamde mmọ ẹfiọk ke Obio Ubọn̄ Abasi ekpere.
Matthew 24:7: “Koro idụt ayadaha an̄wana ye idụt, obio ubọn̄ kiet oyonyụn̄ adaha an̄wana ye obio ubọn̄ en̄wen, ndien akan̄ ye unyekisọn̄ ẹyedu ke nsio nsio ebiet.”
Mme mbet Jesus ke ẹkwọrọ eti mbụk Obio Ubọn̄ oro ke ofụri isọn̄ idahaemi.
Matthew 24:14: “Ẹyenyụn̄ ẹkwọrọ eti mbụk obio ubọn̄ emi ke ofụri isọn̄ nte ntiense ẹnọ kpukpru mme idụt; ndien adan̄aoro ke utịt edidi.”