Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke September

“Mme owo ke nsio nsio idụt ye nsio nsio ido ukpono ẹsibọn̄ akam kpukpru usen. Ndi afo emekere ke Abasi esikpan̄ utọn̄ ọnọ kpukpru akam onyụn̄ ọbọrọ mmọ?” Bet ibọrọ. Ekem yak nsiondi Enyọn̄-Ukpeme eke September 1 nọ enyeneufọk, nyụn̄ neme se idude ke idak akpa ekpri ibuotikọ ke page 16 ye enye, nyụn̄ kot ke nsụhọde n̄kaha itie N̄wed Abasi kiet oro ẹsiakde ẹsịn. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme September 1

Wụt ikpaedem magazine nyụn̄ bụp ete: “Didie ke afo ọkpọbọrọ mbụme emi? [Bet ibọrọ.] Se se Bible etịn̄de mi. [Kot1 John 5:19.] Nte itien̄wed emi etịn̄de, ‘andidiọk,’ m̀mê Devil, akara ererimbot emi. Edi emi anam ẹbụp mme mbụme emi. Devil okoto m̀mọ̀n̄? Ndi enye akam edi ata owo? Adan̄a didie ke Abasi ediyak enye akara? Magazine emi owụt se Bible etịn̄de.”

Awake! September

“Ediwak owo mfịn ẹdu ke mfịghe ke ntak mfịna okụk. Afo ekere ke nso inam enen̄ede ọsọn̄ ntem ndinyene se idade idu uwem? [Bet ibọrọ.] Bible ọdọn̄ọ mme ikọ ọniọn̄ oro ẹn̄wamde ediwak owo ndifafam okụk mmọ. [Kot kiet ke otu itie N̄wed Abasi oro ẹdude ke page 8-9.] Magazine emi ọnọ mbon oro ẹkamade isọn nti ekikere.”