Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke November

“Ndi emekere ke mbon oro ẹdomode ndikop uyo Abasi ẹkop inemesịt ẹkan? [Bet ibọrọ.] Ibuotikọ emi eneme ndusụk akpan n̄kpọ oro ẹdemerede owo udọn̄.” Yak nsiondi Enyọn̄-Ukpeme eke November 1 nọ enyeneufọk, kot nyụn̄ neme se idude ke kiet ke otu n̄kpri ibuotikọ oro ẹdude ke page 16 ye 17 ye enye. Kot ke nsụhọde n̄kaha itie N̄wed Abasi kiet. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme November 1

“Ndusụk owo ẹkere ke se Bible etịn̄de aban̄a idan̄ edi n̄kpọ eset onyụn̄ etie ukpan ukpan akaha. Mbon en̄wen ẹnyịme ye se Bible etịn̄de. Afo ekere didie? [Bet ibọrọ.] Kop se itie N̄wed Abasi emi etịn̄de aban̄a ebiet oro ẹdade mme edumbet Bible ẹto. [Kot 2 Timothy 3:16.] Magazine emi owụt nte Bible ọbọrọde mbụme duop oro ẹsiwakde ndibụp mban̄a idan̄. Enye n̄ko anam an̄wan̄a nte mme edumbet Bible ẹnyenede ufọn ẹnọ nnyịn.”

Awake! November

“Edieke itịmde ise ekondo nnyịn emi, afo ekere ke nso ke nnyịn ididọhọ? Ndi ididọhọ ke Andibot odu m̀mê ididọhọ ke kpukpru n̄kpọ ẹkedidu ke mbuari? [Bet ibọrọ.] Se se owo kiet emi eketienede ewet Bible eketịn̄de mi ke enye ama eketịm ese ekondo. [Kot Rome 1:20.] Magazine emi owụt se ntaifiọk ẹdide ẹdifiọk ẹban̄a nsen idem owo ye nte emi esịnde un̄wana ke se inemede emi.”