“Akan Kpukpru N̄kpọ, Ẹnyene Ufiop Ufiop Ima”

Ndima nditọete nnyịn emi idianade kiet ẹdi edidiọn̄ Jehovah. (Ps. 133:1) Ke n̄kpọ nte isua 2000 emi ẹkebede, apostle Peter ama enyene eti ntak ndiwet ete: “Utịt kpukpru n̄kpọ amasan̄a ekpere. Mmọdo, ẹnyene eti ibuot ẹnyụn̄ ẹtịn̄ enyịn̄ ẹkpeme man ẹkeme ndibọn̄ akam. Akan kpukpru n̄kpọ, ẹnyene ufiop ufiop ima ẹnọ kiet eken.” (1 Pet. 4: 7, 8) Nnyịn ndisịne ke otu nditọete ofụri ererimbot emi amanam ibọ ima ima un̄wam oro mme ete, mme eka, nditọete irenowo, ye nditọete iban emi ẹdude ye nnyịn ke esop ẹsinọde nnyịn. (Mark 10:29, 30) Edi ndusụk ini, nsio nsio n̄kpọ ẹkeme ndinam inyene n̄kpri mfịna ye nditọete nnyịn. Ke ererimbot usua emi, ikpanam nso mbak ima oro imade nditọete nnyịn edibịt? Ikpehe esoputom emi ayanam se apostle Peter eketịn̄de ke 1 Peter 4:7, 8 etịm an̄wan̄a nnyịn. Enye n̄ko ayan̄wam nnyịn ifiọk nte ikpamade nditọete nnyịn ye mbon oro mîdịghe nditọete nnyịn.

Akpan ntak oro imade kiet eken edi “koro ima oto Abasi.” (1 John 4:7) Ima ọtọn̄ọ oto Jehovah, enye ekebem iso ama nnyịn ke ndinọ eyen esie edikpa ọnọ nnyịn ke eto ndutụhọ, “man nnyịn ikpenyene uwem ebe ke enye.” (1 John 4:9) Didie ndien ke ikpanam n̄kpọ iban̄a akakan ima emi Abasi amade nnyịn mi? Akpa John 4:11 ọdọhọ: “Edieke emi edide nte Abasi amade nnyịn, nnyịn nde inyene ndima kiet eken.” Ke ini inen̄erede ima nditọete nnyịn, nnyịn iyomke Abasi ọkọm nnyịn, edi utu ke oro, nnyịn ikam ikọm enye koro nditọete oro Jehovah ọnọde nnyịn mi ẹdi ata eti enọ. N̄ko sia idade mme mbọhọidụn̄ nnyịn nte mbon oro ẹdikponode Jehovah nte ini akade, nnyịn iwụt ke imama mmọ ke ndisian mmọ “eti mbụk eti n̄kpọ.” (Isa. 52:7) Nte mme akpatre usen ererimbot usua emi asan̄ade esịm utịt, nnyịn ikpakam ika iso ndiwụt ima oro inyenede akpan akpan inọ ofụri otu nditọete!