Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke April

“Nnyịn isịn udọn̄ inọ mme mbọhọidụn̄ nnyịn ite ẹsikot Bible mmọ. Edi ediwak owo ẹkere ke Bible isisọpke in̄wan̄a owo. Ndi afo ekere ntre? [Bet ibọrọ.] Kop se ẹtịn̄de ke itie emi.” Wụt enye edem Enyọn̄-Ukpeme April 1, neme se idude ke idak akpa mbụme oro ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme April 1

“Kpukpru mbon emi isobode ẹnyene mfịna. Emi anam ndusụk oro ẹkere m̀mê nso idi ntak emi nnyịn idude uwem. Afo ekere ke nso idi akpan ntak emi mme owo mîkopke inemesịt mfịn? [Bet ibọrọ.] Bible ọn̄wọn̄ọ ete ke ibịghịke, Abasi oyosio mme mfịna emi inyenede efep. [Kot Ediyarade 21:4.] Magazine emi eneme se nnyịn idoride enyịn ndinyene ke ini iso onyụn̄ etịn̄ nte nnyịn ikemede ndifiọk ntak emi nnyịn idude uwem.”

Ẹdemede! March–April

“Ndọ oro okụtde unen ekeme ndinam mme ọdọ ndọ ẹnen̄ede ẹkop inemesịt. Edi edieke mfịna odude ke ndọ ke ntak ọkpọsọn̄ mfan̄a, ndi emekere ke ndinam item oro Bible ọnọde ekeme ndin̄wam? [Kot Mme N̄ke 29:11. Ekem bet ibọrọ.] Esidi ọkpọsọn̄ n̄kpọ ọnọ ebe ye n̄wan ndisụhọde esịt ke mmọ ẹma ẹkefan̄a mfan̄a. Ibuotikọ emi odude ke page 4-5 ke magazine emi etịn̄ nte edidiọn̄ọ se idide ntak mfịna ekemede ndin̄wam ebe ye n̄wan ẹtre mfan̄a.”