Tịn̄ N̄kpọ Ban̄a Ibuotikọ Kiet, Edi Nọ Magazine Mbiba
Nsio nsio ndinem ibuotikọ ẹsidu ke mme magazine nnyịn mbiba. Utu ke ndidomo nditịn̄ n̄kpọ mban̄a ediwak ibuotikọ ke kpukpru ufọk emi iwahade, ọkpọfọn itịn̄ n̄kpọ iban̄a ibuotikọ kiet kpọt. Edieke itịn̄de enyịn ise enyeneufọk m̀mê n̄kann̄kụk esie, inyụn̄ imehe ye mme ibuotikọ oro ẹdude ke mme magazine, nnyịn iyekeme ndimek ibuotikọ ke Enyọn̄-Ukpeme m̀mê Ẹdemede! emi enye edimade. Ke uwụtn̄kpọ, edieke ikụtde n̄kpọmbre nditọwọn̄ ke ufọk oro iwahade, nnyịn imekeme ndineme ibuotikọ oro aban̄ade uwem ubon. Edieke edide erenowo ke isobo, imekeme ndimek ndineme n̄kpọ emi irenowo ẹsimade, utọ nte eti ukara. Okposụkedi emi iditịn̄de n̄kpọ iban̄a ibuotikọ kiet, akpana isinọ magazine mbiba edieke enyeneufọk enyenede udọn̄.