Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke July

“Ata ediwak owo ke obio emi ẹkpema ndidu inem uwem nnyụn̄ ndu mbịghi. Ntre nnyịn ikpama ndikop ekikere fo ke mbụme emi: Ndi emekere ke ifiọk ntaifiọk ye ibọkusọbọ ẹyenam nnyịn idu uwem ke nsinsi usen kiet? [Bet ibọrọ.] Se se ẹtịn̄de mi.” Wụt ibuotikọ oro odude ke edem Enyọn̄-Ukpeme eke July 1, neme se idude ke idak akpa mbụme ye enye nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn do. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Fiọk ete: Ẹkpenyene ndinam usụn̄ unyene nneme emi n̄wụt ke ini mbono an̄wautom ke July 6.

Enyọn̄-Ukpeme July 1

“Ediwak mbon oro ikwọrọde ikọ inọ ẹnyene ufọkabasi emi mmọ ẹsikade. Edi mbon eken ẹdọhọ ke inyeneke ufọkabasi emi ọfọnde. Didie ke afo ese ufọkabasi? [Bet ibọrọ.] Jesus ama ọnọ nnyịn edumbet oro ikemede ndida mfiọk m̀mê ewe ufọkabasi ọfọn. [Kot Luke 6:44a.] Magazine emi eneme ndusụk ndiọi n̄kpọ emi mme ufọkabasi ẹnamde. Enye ọbọrọ n̄ko mbụme emi, Ndi enyene ufọkabasi emi ọfọnde?”

Ẹdemede! July–August

“Nnyịn inyene nneme ye mme mbọhọidụn̄ nnyịn iban̄a n̄kpọ oro enen̄erede afịna mme owo, oro edi, ubiatibet. Ndusụk owo ẹkere ke edieke mme bodisi ẹwakde ke ubiatibet eyetre. Afo ekere didie? [Bet ibọrọ.] Ndi ọmọfiọk ke Bible ọn̄wọn̄ọ ke ubiatibet eyetre? [Kot Psalm 37:10, 11.] Magazine emi eneme un̄wọn̄ọ Bible emi onyụn̄ etịn̄ ndusụk n̄kpọ oro ikpanamde man ikpeme idem mbak mme idiọkowo.”

Eti Mbụk Emi Otode Abasi!

“Nnyịn isan̄a ise mme ubon ke efak mbufo man ineme ikọ ndọn̄esịt ke Bible ye mmọ. Ediwak mbon emi isobode ẹsikere m̀mê nso ikpanam Abasi ima ayak mme owo ẹbọ ufen ntem ke ererimbot. Ndi emekere ke ufen ama esịne ke otu mme n̄kpọ oro Abasi akaduakde ọnọ mme owo mi ke isọn̄?” Bet ibọrọ. Ekem kụbọde ka ọyọhọ ukpepn̄kpọ 5, kot nyụn̄ neme akpa ye udiana ikpehe ekikere ye mme itie N̄wed Abasi emi ẹwetde ke sịghisịghi ubọkn̄wed. Nọ ediye uduot ekpri n̄wed emi nyụn̄ diomi ndifiak n̄ka n̄keneme mbụme oro etienede, emi ẹwetde ke ndodobi ubọkn̄wed.