Ndifori Usọ Nnyịn ke An̄wautom—Nte Ikpọbọrọde Mme Ikọ Utre Nneme

Ntak Emi Edide Akpan N̄kpọ: Yak ida nte ke oto-obot afanikọn̄ ọmọn̄ etịbe. Mme owo ẹyekpa edieke mmọ mîyomke ebiet ifehe ika. Afo aka ufọk mbọhọidụn̄ fo nditịn̄ nnọ enye, edi enye inyịmeke ndikop, ete ke inyeneke ini. Ndi oyonyụn̄ adaha ọkpọn̄ enye? Ududahake! Ediwak owo ke obio nnyịn isikpan̄ke utọn̄ inọ nnyịn sia mmọ mîfiọkke ke utom nnyịn edi utom unyan̄a uwem. Ekeme ndidi mmọ ẹnam n̄kpọ ini oro ikade ibịne mmọ. (Matt. 24:37-39) Onyụn̄ ekeme ndidi ẹsu nsu ẹnọ mmọ ẹban̄a nnyịn. (Matt. 11:18, 19) Mmọ ẹkeme ndikere ke nnyịn isụk itie nte mbon ufọkabasi eken oro mîdụhe eti uwem. (2 Pet. 2:1, 2) Edieke enyeneufọk ọdọhọde ke imọ iyomke ndikop etop nnyịn, nnyịn ikpenyeneke ndisọsọp n̄kpọn̄ enye ntre.