Mme Usụn̄ Unyene Nneme

Nte Ẹdikotde Mme Owo Editi

“Nnyịn ikot mme owo ata akpan edinam oro idinyenede. Ke April 3, ata ediwak miliọn owo ke ofụri ererimbot ẹyesop idem man ẹti n̄kpa Jesus Christ ẹnyụn̄ ẹkop utịn̄ikọ emi ediban̄ade ufọn oro n̄kpa Christ enyenede ọnọ nnyịn. Edinam emi edidi ke mfọn. Ẹwet ini ye ebiet oro ẹdinimde Editi emi ke n̄wedikot emi.”

Enyọn̄-Ukpeme March 1

“April 3 edi usen emi ẹditide n̄kpa Jesus Christ. Ediwak owo ke obio emi ẹyesop idem usen oro man eti n̄kpa Christ, edi ndusụk owo ẹkere ke n̄kpa esie inyeneke ufọn. Ndi emekere ke Jesus ndikakpa nnyụn̄ nset enyene ufọn ndomokiet ọnọ nnyịn? [Bet ibọrọ.] Se se Ikọ Abasi etịn̄de mi. [Kot 1 Corinth 15:22, 26.] Magazine emi etịn̄ ufọn kiet emi uwa ufak Jesus edinyenede ke ini iso—etịn̄ ke usen ke edi emi mme owo mîdikpaha aba.”

Ẹdemede! March–April

“Ikọdọhọ idiwụt mbufo obufa Ẹdemede! emi. Enye ọbọrọ mbụme emi afịnade ediwak owo. [Wụt enye ikpaedem Ẹdemede! oro.] Se itie Bible kiet emi ẹsiakde ke magazine emi. [Kot Mme N̄ke 29:11.] Ndi emekere ke se itie Bible emi etịn̄de enyene ufọn mfịn? [Bet ibọrọ.] Magazine emi etịn̄ n̄kpọ inan̄ ke Bible, onyụn̄ etịn̄ nte mmọ ẹkemede ndin̄wam nnyịn edieke inamde mmọ.”