Mbono An̄wautom Emi An̄wamde Kpukpru Nnyịn

1. Ntak emi ẹsinịmde mbono an̄wautom?

¹ Mbemiso Jesus okosiode mme mbet esie 70 ọdọn̄ ete ẹka ukwọrọikọ, enye ama enyene nneme ye mmọ. (Luke 10:1-11) Enye ama anam mmọ ẹfiọk ke mmọ idụhe ikpọn̄, ke Jehovah emi edide “Enyene-idọk” ada mmọ usụn̄, ndien emi ama ọsọn̄ọ mmọ idem. Enye ama ekpep mmọ nte ẹdikwọrọde ikọ, onyụn̄ adian mmọ “iba iba.” Kpasụk ntre, ẹsinịm mbono an̄wautom mfịn man ẹsọn̄ọ nnyịn idem, ẹteme nnyịn nte ikpọkwọrọde ikọ, ẹnyụn̄ ẹdian nnyịn nte idisan̄ade.

2. Minit ifan̄ ke ẹdisinịm mbono an̄wautom idahaemi?

² Mbono an̄wautom esidi minit 10 esịm 15. Isida ini emi idian owo, inọ efakutom oro ẹdikwọrọde, inyụn̄ ibọn̄ akam. Edi ididịghe ntre aba idahaemi. Ọtọn̄ọde ke April, mbono an̄wautom edisidi minit ition esịm itiaba. Edieke ẹnịmde enye ke mbono esop ama akasuana, ẹkpenyene ndinam enye edi ata ibio ibio sia mbon oro ẹdụkde ẹma ẹkpakpan̄ utọn̄ ẹkop ikọ Abasi. Edieke ẹdade esisịt ini ẹnịm mbono emi, kpukpru owo ẹyenyene ediwak ini ndida n̄kwọrọ ikọ. N̄ko edieke mme asiakusụn̄ m̀mê mme asuanetop ẹketọn̄ọde ukwọrọikọ mbemiso ini mbono an̄wautom, idifọnke ẹbiat ini mmọ ẹkaha.

3. Didie ke ẹkpetịm mbono an̄wautom man enyene ufọn ọnọ mme asuanetop?

³ Ẹkpenyene nditịm mbono an̄wautom man enen̄ede enyene ufọn ọnọ mme asuanetop. Ediwak esop ẹsikụt ke ọfọn otu an̄wautom kiet kiet ndinịm mbono an̄wautom ke idemmọ akan ndinam kpukpru otu an̄wautom ẹdi itie kiet. Otu an̄wautom kiet kiet ndinịm mbono an̄wautom ke idemmọ ekeme ndinam itie oro ẹnịmde mbono an̄wautom ye efakutom emi ẹdikwọrọde ẹkpere nditọete. Emi ekeme n̄ko ndinam ẹsọsọp ẹdian owo, ndien mme esenyịn otu an̄wautom ẹdinyene esisịt ibat owo ndise enyịn. Otu mbiowo ẹdibiere m̀mê ewe idifọn ke esop mmọ. Mbemiso ẹbọn̄de ibio ibio akam, akpana ẹkụt ẹte ke kpukpru owo ẹfiọk ebiet emi mmọ ẹdikwọrọde ye owo emi mmọ ẹdisan̄ade.

4. Ntak emi ikpesidade mbono an̄wautom ke akpan n̄kpọ?

⁴ Da Mbono An̄wautom ke Akpan N̄kpọ: Owo isinịmke mbono an̄wautom inọ kpukpru owo, edi ẹsinịm ẹnọ mbon oro ẹduakde ukwọrọikọ. Oro iwọrọke ke ana ida enye ibre mbre m̀mê ikere ke enye idịghe akpan n̄kpọ nte mme mbono esop eken. Jehovah anam ndutịm man ẹnịm kpukpru mbono oro isidụkde, esịnede mbono an̄wautom. Mmọ ẹsinam nnyịn ima kiet eken inyụn̄ inam nti utom. (Heb. 10:24, 25) Ntre, owo emi enịmde mbono an̄wautom ekpenyene nditịm idem ọfọn man se enye edinemede ọnọ Jehovah ubọn̄ onyụn̄ an̄wam kpukpru owo. Mme asuanetop oro ẹyomde ndika ukwọrọikọ ẹkpenyene ndidụk mbono an̄wautom ibọhọke enyene se itịbede.

Nnyịn ikpenyeneke ndida mbono an̄wautom mbre mbre m̀mê ndikere ke enye idịghe akpan n̄kpọ nte mme mbono esop eken

5. (a) Nso ke esenyịn an̄wautom ekpekere aban̄a ke ini enye anamde ndutịm mbono an̄wautom? (b) Didie ke eyenete an̄wan edinịm mbono an̄wautom?

⁵ Se Owo Emi Edinịmde Mbono An̄wautom Akpanamde: Ẹsibabak ẹnọ owo se enye edinamde ke mbono esop man enye ada ini anam n̄kpọ oro ọfọn. Ẹkpenyụn̄ ẹnam ntre ye mbono an̄wautom. Ke ini ẹnịmde enye ke nsio nsio otu an̄wautom, esenyịn otu an̄wautom oro m̀mê andin̄wam enye esinịm mbono an̄wautom. Edi edieke kpukpru otu an̄wautom ẹdidụkde ke itie kiet, esenyịn an̄wautom edimek owo emi edinịmde. Ndusụk mme esenyịn an̄wautom ẹsiwet enyịn̄ mbon oro ẹdinịmde mbono an̄wautom ye efakutom emi ẹdikwọrọde ikọ, ẹdeme ẹnọ mbon oro ẹdinịmde mbono oro, ẹnyụn̄ ẹdian ndutịm emi ke obukpọk ntọt. Man kpukpru owo oro ẹdụkde ẹbọ ufọn, esenyịn an̄wautom ekpenyene ndimek mbon emi ẹnen̄ede ẹfiọk ndikpep n̄kpọ nnyụn̄ nda usụn̄ ọfọn. Ke usen emi ebiowo, asan̄autom unamutom, m̀mê eyenete en̄wen emi anade baptism onyụn̄ odotde mîdidụhe, esenyịn an̄wautom ekpenyene ndimek eyenete an̄wan emi anade baptism onyụn̄ odotde ete enịm mbono emi.—Se ibuotikọ oro, “Ke Ini Anade Eyenete An̄wan Enịm Mbono An̄wautom.”

6. Ntak emi ọfọnde owo oro edinịmde mbono an̄wautom etịm idem ọfọn?

⁶ Ke ini ẹnọde nnyịn n̄kpọ inam ke Ufọkn̄wed Utom Ukara Abasi m̀mê ke Esoputom, imesida emi ke akpan n̄kpọ inyụn̄ itịm idem ọfọn. Ata ibat ibat owo kpọt ẹsibet tutu mmọ ẹma ẹyom ndidaha mbono esop mbemiso mmọ ẹtọn̄ọde ndikere se ẹditịn̄de. Ke ini ẹdọhọde nnyịn inịm mbono an̄wautom, ikpenyene nditịm idem ọfọn inyụn̄ ida enye ke akpan n̄kpọ. Idahaemi ini mbono emi mîniọn̄ke aba mi, oyom inen̄ede itịm idem ọfọn man kpukpru owo ẹbọ ufon, man inyụn̄ itre ke ini. Edieke owo emi edinịmde abakde ọdiọn̄ọ ebiet emi ẹdikwọrọde ikọ, oro owụt n̄ko ke enye etịm idem ọfọn.

7. Nso ke owo emi enịmde mbono an̄wautom ekpeneme?

⁷ Se Ẹkpenemede: Sia n̄kpọ mîtiehe ukem ukem ke kpukpru efakutom, ofụn emi anamde akpanikọ inọhọ n̄wed utịn̄ikọ oro ikpakamade inịm mbono an̄wautom. Ndusụk n̄kpọ oro ikpenemede ẹdu ke ekebe oro “Se Ẹkemede Ndineme ke Mbono An̄wautom.” Imọdiọn̄ọ ke mbono an̄wautom esiwak ndidi nneme otuowo. Edi ndusụk ini, imekeme ndisịn nnamn̄wụt oro mme andinam ẹma ẹkenen̄ede ẹtịm idem, m̀mê ndise vidio oro ẹnyenede n̄kpọ ndinam ye utom ukwọrọikọ nnyịn, emi odude ke jw.org/efi. Ke ini owo emi edinịmde mbono an̄wautom oyomde nditịm idem, enye ekpenyene ndikere mban̄a n̄kpọ emi ẹdisọn̄ọde nditọete idem inyụn̄ iti mmọ se ẹkpekwọrọde.

Ke ini owo emi edinịmde mbono an̄wautom oyomde nditịm idem, enye ekpenyene ndikere mban̄a n̄kpọ emi edisọn̄ọde nditọete idem inyụn̄ iti mmọ se ẹkpekwọrọde

8. Nso ke ẹkpeneme ke mbono an̄wautom ke Saturday ye Sunday?

⁸ Ata ediwak nditọete ẹsima ndinọ mme owo Enyọn̄-Ukeme ye Ẹdemede! ke Saturday. Sia ediwak mbon oro ẹsikade ukwọrọikọ ke Saturday mîsikaha ke ufọturua, mmọ ẹkeme ndifre se mmọ ẹkenemede ke mbubreyo Utuakibuot Ubon ẹban̄a nte ẹkpekwọrọde ikọ. Ntem, ọyọfọn owo emi enịmde mbono an̄wautom afiak eneme kiet ke otu usụn̄ unyene nneme emi odude ke edem Utom Obio Ubọn̄ Nnyịn. N̄kpọ en̄wen edi ndineme nte ikpadade se ikopde ke mbụk n̄kpọntịbe, se itịbede ke obio, m̀mê mme n̄kpọ emi aban̄ade usen nduọkodudu idibuan ye se idude ke magazine oro iyomde ndinọ owo, mîdịghe ineme se ikpenemede ini en̄wen ye owo emi ọbọde magazine. Edieke edide ndusụk nditọete ẹma ẹtọtọn̄ọ ndinọ mme owo magazine oro ẹnọde ọfiọn̄ oro, dọhọ mmọ ẹtịn̄ nte mmọ ẹsinamde emi, mîdịghe ẹtịn̄ nti ifiọkutom oro mmọ ẹkenyenede. Ke Sunday, owo emi enịmde mbono an̄wautom ekeme ndidọhọ nditoete ẹtịn̄ ukem n̄kpọ emi ẹban̄a n̄wed emi ẹnọde ọfiọn̄ oro. Sia ikemede ndinọ mme n̄wed oro isidade ikpep owo n̄kpọ, utọ nte, ndiye uduot n̄kpri n̄wed Eti Mbụk ye Kpan̄ Utọn̄ Nọ Abasi ye n̄wed Bible Ekpep ini ekededi, ntre owo emi enịmde mbono an̄wautom ekeme ndineme nte ẹkpenọde kiet ke otu mmọ.

9. Edieke edide ini emi inọde mme owo san̄asan̄a tract m̀mê n̄wedikot ke utịturua, nso ke ikpeneme?

⁹ Edieke edide ini emi esop ẹnọde mme owo san̄asan̄a tract m̀mê n̄wedikot ke utịturua, owo emi enịmde mbono an̄wautom ekeme ndineme nte ikpọnọde mbufa magazine idian ye tract m̀mê n̄wedikot oro, mîdịghe eneme se ikpanamde edieke ikụtde owo emi enen̄erede ama ukwọrọikọ nnyịn. Enye ekeme n̄ko ndidọhọ mme owo ẹtịn̄ n̄kpọ emi owụtde ke ama ọfọn nte ikọnọde mme owo tract m̀mê n̄wedikot oro.

10, 11. Ntak emi ọfọnde kpukpru owo ẹtịm idem ọfọn mbemiso ẹkade mbono an̄wautom?

¹⁰ Nte Mme Asuanetop Ẹkpetịmde Idem: Mme asuanetop ẹkeme n̄ko ndinam mbono an̄wautom enyene ufọn. Edieke mmọ ẹtịmde idem ọfọn ke ufọk, utọ nte ke ini utuakibuot ubon, mmọ ẹkeme ndinyene se ẹnemede ye mme asuanetop eken. N̄kpọ efen oro ediwụtde ke imetịm idem ọfọn edi ndibọ magazine ye mme n̄wed eken mbemiso ini mbono an̄wautom man idaha ke ini ika ebiet oro idikwọrọde ikọ.

¹¹ Ọfọn n̄ko ndinam ndutịm man ibabak ika mbono an̄wautom kpa nte isidomode ndinam ke kpukpru mbono esop. Edi edieke ikade ke idiọk ini, imekeme nditịmede ediwak n̄kpọ oro ẹkenamde. Ntak emi idọhọde ntre? Owo emi enịmde mbono an̄wautom esikere ediwak n̄kpọ mbemiso enye emekde owo iba emi ẹdisan̄ade. Edieke owo mîwakke, enye ekeme ndidọhọ ẹkekwọrọ ikọ ke efakutom emi ẹkekwọrọde ẹsụhọ. Edieke ndusụk owo mînyeneke n̄kpọisan̄, ndien ebiet emi ẹdikwọrọde ikọ oyom usụn̄ esisịt, enye ekeme ndidian mmọ ye mbon oro ẹkamade n̄kpọisan̄. Edieke edide efakutom emi ubiatibet okponde, enye ekeme ndinam nditọete iren ẹsan̄a ye nditọete iban, mîdịghe anam mmọ ẹkwọrọ ikọ ẹkpere ebiet emi nditọete iban ẹkwọrọde. Enye ekeme ndidọhọ mme asuanetop oro idem mînen̄ekede isọn̄ ẹkekwọrọ ikọ ke efak emi usụn̄ ọfọnde m̀mê emi ufọkenyọn̄ mîwakke. Enye ekeme ndidọhọ mbufa mme asuanetop ẹsan̄a ye mbon oro ẹfiọkde ndikwọrọ ikọ ọfọn. Edi, edieke mme asuanetop ẹdide ke idiọk ini, mmọ ẹyetịmede kpukpru se eyenete oro akabiatde ini anam, mîdịghe ẹnam enye afiak adian owo man mbon oro ẹdide ke idiọk ini ẹnyene owo emi mmọ ẹdisan̄ade. Imọfiọk ke n̄kpọ ekeme ndinam owo aka n̄kpọ ke idiọk ini. Edi edieke isiwakde ndika mbono an̄wautom ke idiọk ini, ọfọn ibụp idem nnyịn m̀mê edi ke ntak emi nnyịn mînen̄ekede ida mbono an̄wautom ke akpan n̄kpọ m̀mê ke ntak emi nnyịn mîsibakke itịm idem.

12. Edieke afo esiwakde ndimek mbon emi edisan̄ade aka ukwọrọikọ, nso ke akpanam?

¹² Mme asuanetop ẹkeme ndimek owo oro mmọ ẹdisan̄ade mbemiso mmọ ẹdide mbono an̄wautom, mîdịghe ẹkeme ndidian mmọ ye mbon en̄wen. Edieke afo esiwakde ndimek owo emi edisan̄ade, ndi emekeme ‘nditat esịt’ nnyụn̄ nsan̄a ye mme asuanetop eken utu ke ndisan̄a ye ibat ibat owo kpukpru ini? (2 Cor. 6:11-13) Ndi emekeme ndisan̄a ye obufa asuanetop ndusụk ini man an̄wam enye ekeme ndikwọrọ ikọ nnyụn̄ n̄kpep owo n̄kpọ ọfọn? (1 Cor. 10:24; 1 Tim. 4:13, 15) Nen̄ede kpan̄ utọn̄ ke ini ẹtịn̄de se anade ẹnam, esịnede ebiet oro ẹditọn̄ọde ukwọrọikọ. Ke ini ẹkurede mbono oro, kûkpụhọ ndutịm oro ẹkenamde edi sọsọp kọtọn̄ọ ukwọrọikọ.

13. Nso ke mbono an̄wautom edinam ọnọ kpukpru nnyịn edieke inamde se akpanade inam?

¹³ Ke owo 70 oro Jesus okosiode ọdọn̄ ẹma ẹkekure ukwọrọikọ, mmọ ẹma “ẹnyọn̄ọ ẹdi ye idatesịt.” (Luke 10:17) Ọwọrọ Jesus ndikenyene mbono ye mmọ mbemiso mmọ ẹkade ukwọrọikọ ama enen̄ede an̄wam mmọ. Mbono an̄wautom oro isinyenede mfịn ekeme ndin̄wam nnyịn n̄ko. Edieke kpukpru nnyịn itịn̄de enyịn inam se akpanade inam, mbono an̄wautom ọyọsọn̄ọ nnyịn idem, eyeti nnyịn nte ikpọkwọrọde ikọ, oyonyụn̄ an̄wam nnyịn isisan̄a ye nsio nsio owo inam utom emi ẹkedọn̄de nnyịn mi ẹte idi ‘ntiense inọ kpukpru mme idụt.’—Matt. 24:14.

Ke ini eyenete an̄wan enịmde mbono an̄wautom, enye ekpenyene ndibọbọ ọfọn̄ibuot m̀mê ayara itam, onyụn̄ etetie etịn̄ se eyenete eren ekpetịn̄de. Enye ekeme ndinam edi nneme otuowo mbak editie nte ke enye eteme otuowo se ẹdinamde. Edieke enye oyomde eyenete an̄wan efen emi ama akana baptism ọbọn̄ akam, eyenete an̄wan oro ekpenyene ndibọbọ n̄kpọ ke ibuot n̄ko. Edieke eyenete eren emi ama akana baptism edide ke eyenete an̄wan ama ọkọtọtọn̄ọ, enye ọyọkpọn̄ itie ọnọ eyenete eren oro enịm mbono oro okụre. Esenyịn an̄wautom ekpenyene ndifiọk ini emi nditọete irenowo mîdidụhe onyụn̄ etịn̄ se anade ẹnam man kpukpru n̄kpọ asan̄a ọfọn. Ke uwụtn̄kpọ, ekpri eyenete eren emi ama akana baptism onyụn̄ edide n̄kpọ nte isua 12, emi mbiowo ẹkụtde ke idotke kan̄a ndinịm mbono an̄wautom, ekeme ndidụk mbono an̄wautom emi ẹkedọhọde eyenete an̄wan enịm. Edieke emi etịbede, esenyịn an̄wautom ekeme ndidọhọ eyenete an̄wan enịm mbono an̄wautom onyụn̄ ọdọhọ ekpri eyenete eren oro ọbọn̄ akam edieke mbiowo ẹkerede ke enye odot ndinam emi. Eyenete eren emi okponde owo ekeme n̄ko ndidu do, edi enyene n̄kpọ emi anamde mbiowo ẹkûdọhọ enye enịm mbono oro m̀mê ọbọn̄ akam. Mbiowo iditịn̄ke se inamde mmọ ẹnam ntre, edi mmọ ẹyedọhọ nditọete iban emi ẹdotde ẹnịm mbono an̄wautom ẹnyụn̄ ẹbọn̄ akam idem ke ini eyenete oro odude. Mbiowo ẹkeme n̄ko ndinam eyenete eren oro ọfiọk usen emi nditọete iban ẹdinịmde mbono an̄wautom.

Ke Ini Anade Eyenete An̄wan Enịm Mbono An̄wautom

A sister should wear a head covering and would normally be seated when conducting a meeting for field service. What she chooses to discuss would be similar to what a brother would consider. While she should avoid giving the appearance of instructing those in attendance, she may initiate a group discussion. If she invites another baptized sister to say the prayer, that sister should also wear a head covering. If a baptized brother joins the meeting after it has started, the sister would normally invite him to finish the meeting. The service overseer should try to anticipate unusual situations and give appropriate instructions so as to minimize awkwardness. For example, a very young, perhaps preteen, baptized brother might attend when a sister is assigned to conduct, but the elders feel that he is not yet qualified to conduct the meeting. In such a case, the service overseer can inform those involved that the assigned sister should conduct the meeting, but the brother should say the prayer if the elders feel that he is qualified. Or perhaps there is an adult brother who is restricted from conducting the meeting or offering congregation prayer for reasons known by the elders. Without revealing confidential information, the elders should let the assigned sisters know that they should conduct and pray even if he is in attendance. The elders might also let the brother know which days sisters are scheduled to conduct the meetings for field service.

Se Ẹkemede Ndineme ke Mbono An̄wautom:

Mme usụn̄ unyene nneme oro ẹdude ke Utom Obio Ubọn̄ Nnyịn.
Mme vidio ke jw.org/efi oro ẹban̄ade utom ukwọrọikọ.
Nti usụn̄ oro ikemede ndinyene nneme. Emi ekeme ndiban̄a ntọn̄ọikọ, se ikpenemede ini en̄wen ye owo emi okopde ukwọrọikọ nnyịn, m̀mê se ikpetịn̄de iban̄a etịbe imaesịt ke ini owo ọbọde n̄wed nnyịn.
Mme itie N̄wed Abasi oro ẹkemede ndisọn̄ọ nnyịn idem m̀mê ndin̄wam nnyịn ke utom ukwọrọikọ.
Ifiọkutom emi aban̄ade utom ukwọrọikọ, edide mbon oro ẹdude ke n̄wed nnyịn m̀mê enye oro nnyịn inyenede.
Imekeme ndisio n̄kpọ ke Utom Obio Ubọn̄ Nnyịn.
Imekeme ndisio n̄kpọ ke Esoputom eke ndondo emi ineme.
Imekeme ndisio n̄kpọ emi aban̄ade utom ukwọrọikọ ke Enyọn̄-Ukpeme.
Imekeme ndisio n̄kpọ emi aban̄ade utom ukwọrọikọ ke n̄wed Ufọkn̄wed Utom ye n̄wed “Ditiene Mi.”.
N̄kpọ ke jw.org/efi emi ikemede ndida n̄kwọrọ ikọ.
N̄kpọ ke ekpri n̄wed Se Isịnede ke N̄wed Abasi ye Se Idin̄wamde Fi Ekpep Ikọ Abasi.
Nte ikpọtọn̄ọde nneme ye owo Muslim m̀mê owo emi enịmde ke Abasi edi Ita-ke-Kiet.
Nte ikpọbọrọde owo emi oyomde nditre nneme nnyịn.
Nte ikpan̄wamde owo emi isan̄ade ika ukwọrọikọ edi eti ọkwọrọ ikọ.
Se ikpanamde edieke ikụtde owo emi esemde usem en̄wen.
Nte ikpoyomde mme owo utọ nte mbon oro ẹsemde usem en̄wen m̀mê mbon inan, nte ikpadade fon ikwọrọ ikọ, nte ikpọkwọrọde ikọ ke ebiet emi mme owo ẹwakde, nte ikpekpepde owo Bible, mîdịghe ineme iban̄a ndifiak n̄kese owo emi ikọkwọrọde ikọ inọ.
Imekeme nditi nditọete nte ikpọkwọrọde ikọ ke ebiet emi mfịna odude, nte ikpọkpụhọde nneme, nte ikpanamde n̄kpọ ye mbon oro isobode, nte ikpetịn̄de ikọ ufan ufan ye mme owo, m̀mê mme n̄kpọ ntre.