Job Ama Ọsọn̄ọ Ada Kpa ye Idomo

Job okodu ke isọn̄ Uz ke ini nditọ Israel ẹkedude ke ufụn ke isọn̄ Egypt. Kpa ye oro Job mîkedịghe eyen Israel, enye ama esikpono Jehovah. Enye ekedi imọ owo, ama enyene akwa ubon, mme owo ẹma ẹsinyụn̄ ẹkpono enye ke obio mmọ. Mme owo ẹma ẹsinen̄ede ẹma item esie, enye ikesinyụn̄ ikpehe ukwan̄ ikpe. Enye ama esitat ubọk ọnọ mme ubuene ye mbon unana n̄kpọ. Job ama ọsọn̄ọ ada ye Abasi.

Job ama owụt ata in̄wan̄-in̄wan̄ ke Jehovah edi akakan Owo ke uwem imọ

1:8-11, 22; 2:2-5

• Satan ama ọdiọn̄ọ ke Job enen̄ede ama Abasi. Satan ikọdọhọke ke Job ikopke uyo Jehovah; edi akakam ọdọhọ ke enyene ntak emi Job okopde uyo ọnọ Jehovah

• Satan ọkọdọhọ ke Job ikponoke Jehovah ke ofụri esịt

• Man Jehovah ọbọrọ Satan, Jehovah ama ayak Satan anam Job se ededi oro enye amade. Satan ama anam nsio nsio orụk nnanenyịn ẹsịm Job tutu ofụri uwem Job ọtọ etịmede

• Ke ini Job ọkọsọn̄ọde ada, Satan ama ọdọhọ ke owo ndomokiet en̄wen idikemeke ndisọn̄ọ nda nnam n̄kpọ Abasi

• Job ikanamke idiọk, ikonyụn̄ idorike Abasi se mînenke