KPEP NDIKWỌRỌ IKỌ ỌFỌN
Se Idin̄wamde Nnyịn Idi Nti Mme Ọkwọrọikọ—Wet Se Afo Editịn̄de Inọ Magazine
NTAK EMI EDIDE AKPAN N̄KPỌ: Se idin̄wamde fi ọdiọn̄ọ se ekemede nditịn̄ odu ke akpa page n̄wed emi. Edi oro iwọrọke ke ana etịn̄ ata nnennen nnennen se idude do. Utu ke oro, tịn̄ enye ke ikọ idem fo. Emekeme nditịn̄ enye ke usụn̄ en̄wen, mîdịghe etịn̄ n̄kpọ emi afo ọdiọn̄ọde ke eyenem mme owo ke efakutom mbufo. Edieke oyomde ndinam ntre, kot magazine emi oyomde ndinọ owo, kot se ekemede nditịn̄, emi odude ke akpa page n̄wed emi, nyụn̄ se vidio emi owụtde nte ẹkpenamde emi. Ke ama akanam emi ama, da se idude ke idak emi wet se afo editịn̄de inọ owo magazine.
NTE AKPANAMDE:
Bụp idemfo ete, ‘Ndi nyom nditịn̄ se idude ke akpa page n̄wed emi?’
IH
Wet ntọn̄ọikọ fo. Ke ama ọkọkọm enyeneufọk, tịn̄ ibio ibio se idade fi idi. (Ke uwụtn̄kpọ: “Ndi mi man . . .”)
Wet se editịn̄de ke ama okobụp mbụme, okot itie N̄wed Abasi, ye se editịn̄de inọ owo n̄wed. (Ke uwụtn̄kpọ: Mbemiso okotde itie N̄wed Abasi, emekeme ndidọhọ ete: “Emekeme ndikụt ibọrọ mbụme emi mi.”)
IHIH
Mek ibuotikọ emi afo amade ke magazine oro, emi mme owo ke efakutom mbufo ẹdinyụn̄ ẹmade
Wet mbụme emi edinamde owo ekere n̄kpọ, idịghe mbụme emi ekemede ndisuene owo. (Ke uwụtn̄kpọ: Se mbụme emi odude ke page 2 ke mme magazine nnyịn.)
Mek itie N̄wed Abasi emi edikotde. (Edieke edinọde owo Ẹdemede!, emekeme nditre ndikot Bible sia ẹwet Ẹdemede! ẹnọ mbon emi mîtịmke idiọn̄ọ Bible, m̀mê mbon emi mînen̄ekede ima n̄kpọ ikọ Abasi.)
Wet ikọ ifan̄ emi editịn̄de man enyeneufọk okụt ufọn emi enye edibọde ke ini enye okotde magazine emi
KE IDAHA EKEDEDI
Wet mbụme emi edibụpde enyeneufọk, emi edibọrọde ama afiak aka
Wet n̄kpọ emi editide fi se editịn̄de ama afiak aka