Se Obio Ubọn̄ Anamde ke Se Ibede Isua 100 Idahaemi

Ana mbon oro ẹyomde ndidụk Obio Ubọn̄ Abasi ẹkpep kpukpru se mmọ ẹkekeme ẹban̄a Obio Ubọn̄ oro ye se enye anamde. Ntak-a? Emi ọyọsọn̄ọ mbuọtidem mmọ nte ke Obio Ubọn̄ Abasi akara, oyonyụn̄ anam enen̄ede ọdọn̄ mmọ ndikwọrọ eti mbụk Obio Ubọn̄ Abasi. (Ps 45:1; 49:3) Nte afo esede vidio Se Obio Ubọn̄ Anamde ke Se Ibede Isua 100 Idahaemi, yom ibọrọ mbụme emi:

1. Mbon emi ẹkesede “Photo-Drama of Creation” ẹkebọ nso edidiọn̄?

2. Didie ke ẹkeda radio ẹkwọrọ eti mbụk ẹnọ mme owo?

3. Mme usụn̄ en̄wen ewe ke ẹkeda ẹkwọrọ ikọ, ndien nso ikedi utịp?

4. Mme ukpụhọde ewe ke ẹnam ke mme isua emi ẹbede ẹban̄a ukpep emi ẹnọde nnyịn ndida n̄kwọrọ ikọ?

5. Nso akpan ukpep ke ẹkenọ nditọ Ufọkn̄wed Gilead?

6. Didie ke ẹda ikpọ mbono ẹnọ ikọt Jehovah ukpep?

7. Nso inam fi enịm ke Obio Ubọn̄ Abasi ke akara idahaemi?

8. Didie ke nnyịn iwụt ke ida inọ Obio Ubọn̄ Abasi?